ဂျာမနီနာမည်ကျော်တိုက်စစ်မှူးဟောင်း ပိုဒေါစကီးက ဘိုင်ယန်မြူးနစ် အသစ်ခေါ်ယူထားသော တောင်ပံကစားသမား ဆာနေးသည် သူ့ခြေစွမ်း၏ အမြင့်ဆုံးအဆင့်သို့ မရောက်သေးဟု သုံးသပ်ပြောကြားခဲ့သည်။
ပိုဒေါစကီးက “ဘိုင်ယန်မြူးနစ်အသင်းက အကောင်းဆုံးကစားသမားတွေ ပိုင်ဆိုင်ထားတယ်။ ဆာနေးကလည်း ထိပ်တန်းကစားသမားပါ။ ဒါပေမဲ့ သူ့မှာ အလားအလာတွေ ရှိပါသေးတယ်။ သူ့အမြင့်ဆုံးအဆင့်ကို သူ မရောက်သေးဘူး။ အတွေ့အကြုံ နည်းနည်းလိုပါသေးတယ်” ဟု Sky Germany သို့ ပြောကြားခဲ့သည်။
ပိုဒေါစကီးသည် လက်ရှိတွင် တူရကီကလပ် အန်တယ်ယာစပေါ် အသင်း၌ ကစားလျက်ရှိသူဖြစ်သည်။
