အင်္ဂလန်ဘောလုံးအဖွဲ့ချုပ် (FA) ၏ အမှုဆောင်ချုပ် မာ့ခ်ဘူလင်ဟမ်က ဘရန့်ဖို့ဒ် အသင်းတိုက်စစ်မှူး အီဗန်တိုနေးအား ကမ္ဘာ့ဖလားပြိုင်ပွဲလူစာရင်းတွင် မရွေးချယ်ဘဲ ချန်လှပ်ခြင်းမှာ လောင်းကစားပြဿနာကြောင့် မဟုတ်ကြောင်း ရှင်းလင်းပြောကြားခဲ့သည်။
ယခုရာသီ ပရီးမီးယားလိဂ်တွင် ၁၀ ဂိုး သွင်းယူထားပြီး ခြေစွမ်းပြနေသည့် အီဗန်တိုနေး (၂၆ နှစ်) သည် ၂၀၁၇ ခုနှစ် ဖေဖော်ဝါရီမှ ၂၀၂၁ ခုနှစ် ဇန်နဝါရီအတွင်း လောင်းကစားဥပဒေချိုးဖောက်မှု စွဲချက် ၂၃၂ မှုဖြင့် FA ၏ စွဲချက်တင်ခြင်းခံထားရသည်။
၎င်းအား ကမ္ဘာ့ဖလားပြိုင်ပွဲဝင်လူစာရင်းတွင် မရွေးချယ်ခြင်းအပေါ် FA အမှုဆောင်ချုပ် ဘူလင်ဟမ်က “သူ့ကို ရွေးချယ်ခွင့်ရှိပါတယ်။ ဘောလုံးကြောင့်ပဲ သူ့ကိုမရွေးချယ်ခဲ့တာပါ။ ကျွန်တော်တို့ရဲ့ စည်းမျဉ်းတွေက အရမ်းရှင်းလင်းပါတယ်။ ဒီလိုကိစ္စမျိုး အနည်းငယ်လည်း ရှိခဲ့ဖူးပါတယ်။ စည်းမျဉ်းချိုးဖောက်တဲ့အခါ ဒါကို ဖြေရှင်းရမှာပါ” ဟု ပြောကြားခဲ့သည်။
![Pinterest](https://pinterest.com/pin/create/button/?url=https://sportsmyan.com/%e1%80%9c%e1%80%b1%e1%80%ac%e1%80%84%e1%80%ba%e1%80%b8%e1%80%80%e1%80%85%e1%80%ac%e1%80%b8%e1%80%95%e1%80%bc%e1%80%bf%e1%80%94%e1%80%ac%e1%80%80%e1%80%bc%e1%80%b1%e1%80%ac%e1%80%84%e1%80%b7%e1%80%ba/&media=https://sportsmyan.com/wp-content/uploads/2022/11/55-လောင်းကစားပြဿနာကြောင့်-အီဗန်တိုနေးကို-ချန်လှပ်ခြင်းမဟုတ်ဟု-Sports-Myan.jpg&description=၎င်းအား ကမ္ဘာ့ဖလားပြိုင်ပွဲဝင်လူစာရင်းတွင် မရွေးချယ်ခြင်းအပေါ် FA အမှုဆောင်ချုပ် ဘူလင်ဟမ်က "သူ့ကို ရွေးချယ်ခွင့်ရှိပါတယ်။ ဘောလုံးကြောင့်ပဲ သူ့ကိုမရွေးချယ်ခဲ့တာပါ။ ကျွန်တော်တို့ရဲ့ စည်းမျဉ်းတွေက အရမ်းရှင်းလင်းပါတယ်။ ဒီလိုကိစ္စမျိုး အနည်းငယ်လည်း ရှိခဲ့ဖူးပါတယ်။ စည်းမျဉ်းချိုးဖောက်တဲ့အခါ ဒါကို ဖြေရှင်းရမှာပါ" ဟု ပြောကြားခဲ့သည်။){kind=link}