လီဗာပူးလ်အသင်းခေါင်းဆောင် အင်္ဂလန်ကွင်းလယ်လူ ဟန်ဒါဆန်သည် ဒဏ်ရာကြောင့် အသင်း၏ပွဲစဉ်(၄)ပွဲခန့် မကစားနိုင်ဘဲ လွဲချော်မည်ဖြစ်ကြောင်း သိရှိရသည်။
ဟန်ဒါဆန်သည် ပြီးခဲ့သည့်စနေနေ့က ကစားခဲ့သော ပရီးမီးယားလိဂ်မာဆေးဆိုက်ဒ်ဒါဘီပွဲစဉ် လီဗာပူးလ်(၀-၂)အဲဗာတန်ပွဲတွင် ဒဏ်ရာရရှိခဲ့ပြီး ပွဲချိန်(၃၀)မိနစ်၌ပင် လူစားလဲခဲ့ရသည်။
စမ်းသပ်မှုများအရ သူ၏ပေါင်ခြံ တွင် ဒဏ်ရာရရှိသွားခဲ့ခြင်းဖြစ်ပြီး အသင်း၏ ပွဲစဉ်များတွင် အနည်းဆုံး(၄)ပွဲခန့် မပါဝင်နိုင်ဘဲ အနားယူရမည်ဖြစ်ကြောင်း သိရသည်။
၎င်းမကစားနိုင်ခြင်းမှာ အသင်းအတွက် ကြီးမားသည့်ဆုံးရှုံးမှုဟု အသင်းနည်းပြ ကလော့ပ်က ဆိုခဲ့သည်။
