ဘရူနိုဖာနန်ဒက်စ်ဟာ တနင်္ဂနွေနေ့ (မတ် ၅) က လီဗာပူးလ်ရဲ့အိမ်ကွင်း အန်ဖီးလ်မှာ လီဗာပူးလ်နဲ့ကန်ခဲ့တဲ့ပွဲမှာ သူ့ရဲ့အပြုအမူအတွက် ဝေဖန်ခံခဲ့ရပေမဲ့ မန်ယူနည်းပြ အဲရစ်တန်ဟက်ဂ် က သူ့ရဲ့ အသင်းခေါင်းဆောင်ကို ကာကွယ်ပြောဆိုခဲ့ပါတယ်။
၇-၀ နဲ့ ရှုံးနိမ့်ခဲ့တဲ့အဆိုပါ ပွဲမှာ သူ့ရဲ့ဒုတိယပိုင်းစွမ်းဆောင်ရည်အတွက် ဝေဖန်မှုတွေကြောင့် ဖာနန်ဒက်စ်က မန်ယူအသင်းခေါင်းဆောင်အဖြစ် ဆက်ရှိနေမယ်လို့ တန်ဟက်ဂ်က အတည်ပြုခဲ့ပါတယ်။
ဖာနန်ဒက်စ်ဟာ တနင်္ဂနွေနေ့က လီဗာပူးလ်နဲ့ပွဲမှာ စိတ်ခံစားချက်များ မထိန်းချုပ်နိုင်အောင် ဖြစ်ခဲ့ပုံရပါတယ်။ Stefan Bajcetic အား ခြေထိုးရန် အရေးနိမ့်ခဲ့ပြီးနောက် လက်လျှော့ကာ အီဗရာဟီမာကိုနိတ်ရဲ့ ရင်ဘတ်အတွန်းခံရပြီးနောက် စည်းကြပ်ဒိုင်အား တွန်းထုတ်ခဲ့ပါတယ်။
ဖာနန်ဒက်စ်ရဲ့အပြုအမူဟာ ရှက်စရာကောင်းတယ်လို့ ဂယ်ရီနဗီးလ် က ပြစ်တင်ဝေဖန်ခဲ့ပြီး အသင်းခေါင်းဆောင်ရာထူးမှ ဖယ်ရှားရန် တောင်းဆိုမှုများလည်း ရှိခဲ့ပါတယ်။
ဒါပေမဲ့ ဟယ်ရီမက်ဂွိုင်းယားက ပွဲမစခင်မှာ နည်းပြတန်ဟက်ဂ်က ဖာနန်ဒက်စ်ဟာ အသင်းခေါင်းဆောင်အဖြစ် ဆက်ရှိနေမယ်လို့ အတည်ပြုပြီး ခြောက်နှစ်အတွင်း ပထမဆုံးဆုဖလားကို ရယူပေးနိုင်ခဲ့တဲ့ မန်ယူရဲ့ ဒီရာသီအောင်မြင်မှုမှာ ဖာနန်ဒက်စ်ရဲ့အခန်းကဏ္ဍကို ချီးကျူးခဲ့ပါတယ်။
တန်ဟက်ဂ်က ဖာနန်ဒက်စ်ကို အသင်းဖော်တွေကို လှုံ့ဆော်ပေးသူအဖြစ် ဖော်ပြခဲ့ပေမဲ့ ဖာနန်ဒက်စ်ဟာ အန်ဖီးလ်မှာ မန်ယူရဲ့ ဒုတိယပိုင်းပွဲစဥ်အတွင်း သူ့ရဲ့ မအောင်မြင်မှုကနေ သင်ခန်းစာယူလိမ့်မယ်လို့ ပြောကြားခဲ့ပါတယ်။
“သူဟာ တောက်ပတဲ့ရာသီကို ကစားနေပါတယ်၊ ဘာကြောင့်လဲဆိုရင် ကျွန်တော်တို့နေရာအတွက် အရေးကြီးတဲ့ အခန်းကဏ္ဍမှာ ရှိနေပါတယ်၊ ဘာကြောင့်လဲဆိုတော့ သူက အသင်းကို အရှိန်ပြင်းပြင်းနဲ့ အများကြီး ထိန်းထားရုံသာမက လမ်းကြောင်းမှန်နဲ့ ဦးတည်ချက်မှန်ဆီရောက်အောင်ပါ စွမ်းဆောင်ပေးတာကြောင့်ပါ။” လို့ တန်ဟက်ဂ် ကဆိုပါတယ်။
“သူက ကစားသမားတွေကို ညွှန်ပြပြီး နည်းပြတယ်၊ သူက တစ်သင်းလုံးအတွက် စိတ်ဓာတ်လှုံ့ဆော်မှုတစ်ခု၊ ဒါပေမဲ့ ဘယ်သူကမှ ပြီးပြည့်စုံမှာ မဟုတ်ဘူး၊ လူတိုင်းက အမှားလုပ်တတ်တယ်၊ ကျွန်တော်တို့ သင်ခန်းစာယူရမယ်။”
“သူ သင်ခန်းစာယူရမယ်၊ သူ သင်ခန်းစာယူမှာပါ။ ဘာကြောင့်လဲဆိုတော့ သူက ဉာဏ်ရည်ထက်မြက်တဲ့အတွက်ကြောင့်ပါ။ ကျွန်တော့်အသင်းမှာ ဖာနန်ဒက်စ်ရှိတာကြောင့်ရယ် ဟယ်ရီ ကွင်းထဲမှာ မရှိတဲ့အခါ ဖာနန်ဒက်စ်က အသင်းခေါင်းဆောင်ဖြစ်ရတာကို ဝမ်းသာပါတယ်။” လို့လည်း တန်ဟက်ဂ်က ပြောကြားခဲ့ပါတယ်။