လီဗာပူးစတားဟာ ကွင်းလယ်ပိုင်းမှာ ဒန်ကလန်ရိုက်စ် ထက်တောင် ပိုမိုလုပ်ပြနိုင်စွမ်း ရှိတယ်လို့ ဆိုလိုက်တဲ့ ဒင်းဆောင်းဒါး

ဒင်းဆောင်းဒါးက အလက်ဇန်းဒါးအာနိုးဟာ ပရီးမီးယားလိဂ် အကောင်းဆုံး ကွင်းလယ်လူလို့ ဆိုလိုက်ပြီး လီဗာပူးစတားဟာ ဒန်ကလန်ရိုက်စ်ထက် ကွင်းလယ်ပိုင်းမှာ လုပ်ပြနိုင်မှု ပိုမိုများပြားတယ်လို့ ဆိုလိုက်ပါတယ်။ အလက်ဇန်းဒါးအာနိုးဟာ ပြီးခဲ့တဲ့ရာသီနှောင်းပိုင်းမှာ လီဗာပူး ၊ နိုင်ငံတကာပွဲစဉ် ကာလအတွင်းမှာ အင်္ဂလန် အတွက် ကွင်းလယ်ပိုင်းကနေ အထူးခြေစွမ်းပြ ကစားခဲ့သူ ဖြစ်ပြီး လာမည့်ရာသီမှာ ကလော့ အနေနဲ့ ထရန့်ကို ဘယ်လို အသုံးချသွားမလဲဆိုတာ စိတ်၀င်စားစရာပါပဲ

လီဗာပူးဟာ ဒီနွေရာသီမှာ မက်အလစ္စတာနဲ့ ဒိုမီနစ်ဆိုဘော့ဇ်လိုင်း တို့ကို ခေါ်ယူထားခဲ့ပေမယ့် ဆောင်းဒါးက သူ့ရဲ့ အသင်းဟောင်း အနေနဲ့ ထရန့်ကို ကွင်းလယ်မှာ အမြဲတမ်း ကစားခိုင်းစေဖို့ အတွက် ညာနောက်ခံလူ တစ်ဦး ခေါ်ယူသွားသင့်တယ်လို့ ပြောလိုက်ပါတယ်။

ဆောင်းဒါးက “ကျနော်ကတော့ ထရန့်ဟာ အင်္ဂလန်ရဲ့ အကောင်းဆုံး ကွင်းလယ်လူလို့ ထင်ပါတယ်။ ကျနော်ကတော့ သူဟာ ကျန်ကစားသမား အားလုံးထက် ပိုမို ကောင်းမွန်ပါတယ်။ အကယ်၍ ခင်ဗျား အနေနဲ့ သူ့ကို ကွင်းလယ်ပိုင်းမှာ ကစားစေမယ် ဆိုရင် သူဟာ ဒန်ကလန်ရိုက်စ် လုပ်နိုင်တဲ့ အရာအားလုံးကို လုပ်နိုင်စွမ်း ရှိပါတယ်။ ဒါ့အပြင် သူဟာ တီယာဂို လိုမျိုး အကွက်မြင်မြင် ဘောလုံးပေးပို့နိုင်ပါတယ်။

အကယ်လို့များ ကျနော်သာ ယာဂန်ကလော့ ဆိုရင်တော့ ညာနောက်ခံလူ တစ်ဦး ခေါ်ယူကာ ထရန့်ကို ကွင်းလယ်မှာ အမြဲ ကစားစေမှာပါ။ ထရန့်ဟာ ကွင်းလယ်လူ တစ်ဦး အဖြစ် အကယ်ဒမီ ကနေ ထွက်ပေါ်လာခဲ့တာပါ။ သူဟာ ပထမအသင်း လမ်းကြောင်းအရ ညာနောက်ခံလူ တစ်ဦး ဖြစ်လာခဲ့ပါတယ်။ ဒါပေမယ့် သူဟာ ကွင်းလယ်မှာ ဘယ်လို ကစားရသလဲဆိုတာ သိပါတယ်။

ကွင်းလယ်မှာ ကစားတဲ့အခါမှာ ခင်ဗျား အနေနဲ့ ဘက်မှန်တွေ ရှိထားရမှာ ဖြစ်သလို ဂိုးပေါက်ကို ကျောပေးကစားတာ ၊ မျက်နှာမူ ကစားတာတွေကို လုပ်နိုင်ဖို့ လိုအပ်ပါတယ်။ ကျနော် ကတော့ သူဟာ ဒါတွေ အားလုံးကို လုပ်နိုင်တယ်လို့ ထင်ပါတယ်။ ကျနော်ကတော့ ယာဂန်ကလော့ဟာ ထရန့်ကို ကွင်းလယ်ပိ်ုင်းမှာ ကစားစေလိမ့်မယ်လို့ ထင်ပါတယ်။”