လာလီဂါပြိုင်ပွဲ၏ ၂၀၂၁-၂၀၂၂ ရာသီအတွက် ပွဲစဉ်ဇယားကို ဇွန်(၃၀)တွင် ထုတ်ပြန်မည်ဖြစ်ကြောင်း လာလီဂါအဖွဲ့ချုပ်က အတည်ပြု ကြေညာခဲ့သည်။ ၂၀၂၁-၂၂ ရာသီ လာလီဂါပြိုင်ပွဲကို သြဂုတ်(၁၃)တွင် စတင်မည် ဖြစ်ပြီး ၂၀၂၂ ခုနှစ်၊ မေ(၂၂)တွင် အဆုံးသတ်မည်ဖြစ်သည်။
ရာသီသစ်လာလီဂါ ပြိုင်ပွဲတွင် အက်စ်ပန်ညို၊ မာယော့ကာနှင့် ဗယ်လက်ကာနိုအသင်းတို့ တန်းတက် ယှဉ်ပြိုင်ခွင့်ရရှိထားသည်။ ၂၀၂၁-၂၂ ရာသီမှာ လာလီဂါပြိုင်ပွဲ၏ (၉၁)ကြိမ်မြောက် ရာသီဖြစ်ပြီး ပရိသတ်များကို ပြန်လည်ဝင်ရောက်ကြည့်ရှုခွင့်ပြုနိုင်ရန် နီးစပ်နေ ပြီဖြစ်ကြောင်း သိရသည်။
လက်ရှိအချိန်တွင် ပွဲစဉ်ဇယား ထုတ်ပြန်ရခြင်းမရှိသေး သော်လည်း ချန်ပီယံဆုအတွက် အလေးပေးမှုများ ထွက်ပေါ်နေပြီဖြစ်ရာ ဘာစီလိုနာအသင်းက ရေပန်းအစားဆုံးဖြစ်နေကြောင်း သိရသည်။
