မန်ယူအသင်းသည် လာမည့်ဇန်နဝါရီ အပြောင်းအရွှေ့ကာလတွင် ဘာစီလိုနာအသင်းမှ အသင်းတိုက်စစ်ကစားဟောင်း ဒီပိုင်း အား ပြန်လည်ခေါ်ယူရန် စီစဉ်နေကြောင်း စပိန်အားကစားသတင်းစာ Sport က ဖော်ပြခဲ့သည်။
မန်ယူအသင်းသည် အသင်းဝါရင့် တိုက်စစ်မှူး စီရော်နယ်လ်ဒိုကို စာချုပ်ဖျက်သိမ်းပြီးနောက် ၎င်းနေရာတွင် အစားထိုးရန် ဒီပိုင်းကို ပစ်မှတ်ထားလာခြင်းဖြစ်သည်။ အသက် ၂၈ နှစ်အရွယ် ဒီပိုင်းသည် ယခုရာသီတွင် ဘာစီလိုနာအသင်း၌ ပွဲကစားခွင့်ရရန် ရုန်းကန်နေရပြီး ပြိုင်ပွဲစုံ သုံးပွဲသာ ကစားထားရသေးသည်။
သို့သော် မန်ယူအသင်းသည် ဒီပိုင်းအား စောင့်ကြည့်နေပြီး လာမည့်ဇန်နဝါရီတွင် ယူရို လေးသန်းဖြင့် ကမ်းလှမ်းရန်စီစဉ်နေကြောင်း သိရသည်။ ဒီပိုင်းသည် မန်ယူအသင်းတွင် ၂၀၁၅ ခုနှစ်မှ ၂၀၁၇ ခုနှစ်အထိ ကစားခဲ့ပြီး ပြိုင်ပွဲစုံ ၅၃ ပွဲတွင် ခုနစ်ဂိုးသာ သွင်းယူနိုင်ခဲ့ကြောင်း သိရှိရသည်။
