ရီးယဲလ်အသင်းခေါင်းဆောင် နောက်ခံလူ ရာမို့စ်သည် လစာလျှော့ယူ၍ (၂)နှစ်သက်တမ်းတိုးရန် ဆန္ဒရှိနေကြောင်း သိရသည်။
အသက်(၃၅)နှစ်အရွယ်ရှိ စပိန်ဝါရင့်နောက်ခံလူ ရာမို့စ်(၃၅ နှစ်)သည် ယခုရာသီကုန်တွင် ရီးယဲလ်အသင်းနှင့် စာချုပ်သက်တမ်းကုန်ဆုံးမည်ဖြစ်သည်။
ရာမို့စ်သည် ရီးယဲလ်အသင်းတွင် ဆက်နေလိုသော်လည်း အသင်းက (၁)နှစ်သာ သက်တမ်းတိုးရန် ကမ်းလှမ်းခဲ့သည့်အတွက် အနာဂတ်မရေမရာဖြစ်နေသည်။
ရာမို့စ်က အနည်းဆုံး(၂)နှစ်သက် တမ်းတိုးရန် လိုလားနေပြီး ယခုအခါ ရီးယဲလ်အသင်းက စာချုပ်သက်တမ်းကို လိုက်လျောခဲ့ပါက လစာလျှော့ယူပေးရန် စီစဉ်နေကြောင်း သိရသည်။
ရာမို့စ်သည် လက်ရှိအချိန်၌ ရီးယဲလ်အသင်းတွင် တစ်ပတ်လစာ ပေါင်(၃၁၅၀၀၀)ရရှိနေပြီး ယင်းကဲ့သို့ မြင့်မားသည့် လစာနှုန်းထားကြောင့် ရီးယဲလ်အသင်းက သက်တမ်းတိုးရန် တွန့်ဆုတ်နေခြင်းဖြစ်ကြောင်းလည်း သိရသည်။
