နယူးကာဆယ်အသင်းသည် လာမည့်နွေတွင် လက်စတာကွင်းလယ်ကစားသမား မတ်ဒီဆန်ကို ခေါ်ယူရန် စီစဉ်နေကြောင်း Daily Mail သတင်းစာက ဖော်ပြခဲ့သည်။
နယူးကာဆယ် အသင်းသည် ပြီးခဲ့သည့်နွေက မတ်ဒီဆန်ကို ခေါ်ယူရန် ပေါင် (၃၅)သန်း၊ ပေါင်သန်း (၄၀)တို့ဖြင့် (၂)ကြိမ်တိုင် ကမ်းလှမ်းခဲ့သော်လည်း ပယ်ချခံခဲ့ရသည်။
မတ်ဒီဆန်(၂၆ နှစ်)၏ လက်ရှိ စာချုပ်မှာ ၂၀၂၄ ခုနှစ်တွင် သက်တမ်းကုန်ဆုံးမည်ဖြစ်ပြီး လက်စတာနှင့် စာချုပ်သက်တမ်းတိုးဖွယ်မရှိကြောင်း သိရသည်။
ထို့ကြောင့် နယူးကာဆယ်အသင်းသည် လာမည့်နွေရာသီစျေးကွက်ဖွင့်ချိန်တွင် မတ်ဒီဆန်ကိုခေါ်ယူရန် စီစဉ်နေခြင်းဖြစ်သည်။
မတ်ဒီဆန်သည် ယခုရာသီတွင် လက်စတာအသင်းအတွက် ၁၆ ပွဲကစားပေးထားပြီး ၉ ဂိုးသွင်းယူပေးထားသည်။
