ချယ်လ်ဆီးအသင်း၏ နည်းပြဖြစ်သူ သောမတ်စ်တူဟယ်လ်က မိမိ၏အသင်းအား ချန်ပီယံလိဂ်ကွာတား ဖိုင်နယ်အဆင့်တွင် ပြိုင်ဘက်အသင်းတိုင်းက ရင်ဆိုင်ရန် ကြောက်လန့်သည့် အသင်းတစ်သင်းဖြစ်စေလိုသည်ဟု ပြောကြားခဲ့သည်။
ချယ်လ်ဆီးအသင်းသည် ကွာတားဖိုင်နယ်အဆင့်သို့ အခြားဥရောပ ထိပ်တန်းအသင်းများဖြစ်သည့် မန်စီးတီး၊ လီဗာပူးလ်၊ ဘိုင်ယန်မြူးနစ်၊ ရီးယဲလ်မက်ဒရစ်၊ အက်သလက်တီကို၊ ဗီလာရီးယဲလ်၊ ဘင်ဖီကာတို့နှင့်အတူ တက်ရောက်ခဲ့ပြီဖြစ်သည်။
ယင်းအခြေအနေတွင် တူဟယ်လ်က “ကျွန်တော်က ကျွန်တော့်အသင်းကို ပြိုင် ဘက်အသင်းတွေအနေနဲ့ ရင်ဆိုင်ကစားရမှာကြောက်တဲ့ အသင်းတစ်သင်းဖြစ်စေချင်တာပါ။ ဒါဟာ ကွာ တားဖိုင်နယ်အဆင့်မှာ ကျွန်တော်ဖြစ် ချင်တဲ့အရာပါပဲ။ ကျွန်တော်တို့ တစ် ဆင့်ချင်းတစ်ဆင့်ချင်း တက်လှမ်းလာခဲ့ပါတယ်။ ဒါကြောင့်လည်း ကျွန်တော်တို့အသင်းဟာ အခုအချိန် ကမ္ဘာမှာ အခက်ခဲဆုံး ထိပ်ဆုံး (၄)သင်းတိုက်ပွဲ (ပရီးမီးယားလိဂ်)နဲ့ ကမ္ဘာမှာအခက်ခဲဆုံး ထိပ်ဆုံး (၈)သင်းတိုက်ပွဲ (ချန်ပီယံလိဂ်ကွာတားဖိုင်နယ်) အဆင့်တွေမှာ ပြိုင်ဆိုင်နိုင်စွမ်းရှိတာဖြစ်ပါတယ်”ဟု ဆိုခဲ့သည်။
