PSG အသင်းသည် အင်တာမီလန်အသင်းမှ ဆလိုဗက်ကီးယားနောက်ခံလူ ရှကရီညာနှင့် လိုင်လီအသင်းမှ ပေါ်တူဂီကွင်းလယ်လူ ရီနာတိုဆန်းချက်စ်တို့အား ခေါ်ယူရန် ပုဂ္ဂိုလ်ရေးသဘောတူညီမှု ရရှိထားပြီးဖြစ်သည်ဟု ပြင်သစ်မီဒီယာများက ဖော်ပြလျက်ရှိသည်။
အေစီမီလန်အသင်းနှင့်လည်း သတင်းထွက်ခဲ့သည့် ဆန်းချက်စ်ကို PSG အသင်းက သိမ်းသွင်းစည်းရုံးနိုင်ခဲ့ပြီဟု Sky Sport Italia၊ Le Parisien အပါအဝင် သတင်းရင်း မြစ်အများအပြားက ရေးသားခဲ့ကြသည်။
ဆန်းချက်စ်၏ပြောင်းရွှေ့ကြေးမှာ ကနဦး ယူရို ၁၀ သန်းနှင့် Add-ons ကြေး ယူရို ၅ သန်းသာရှိမည်ဖြစ်ကြောင်း သိရသည်။ ထို့ပြင် Get France Football New သတင်းဌာနက PSG အသင်းသည် ရှကရီညာအား ခေါ်ယူရန် ပုဂ္ဂိုလ်ရေးသဘောတူညီမှု ရရှိထားပြီးဖြစ်သည်ဟု ဖော်ပြခဲ့သည်။
PSG အသင်းသည် ရှကရီညာအတွက် ပြောင်းရွှေ့ ကြေး ယူရိုသန်း ၅၀ ဖြင့် ပထမဆုံးအကြိမ် ကမ်းလှမ်းခဲ့သော်လည်း အင်တာမီလန်က ပယ်ချခဲ့သည်။
ယခုအခါ လာမည့်ရက်အနည်းငယ်အတွင်း PSG အသင်းက Add-ons ကြေးအပါအဝင် ယူရိုသန်း ၇၀ ပမာဏဖြင့် ထပ်မံကမ်းလှမ်းသွားဖွယ်ရှိနေသည်။
ချယ်လ်ဆီး၊ စပါးအသင်းများကလည်း ရှကရီညာအား ခေါ်ယူရန် စိတ်ဝင်စားနေသော်လည်း PSG အသင်းကသာ ရှကရီညာ ရောက်ရှိနိုင်မည့် အသင်းသစ်အဖြစ် ရေပန်းအစားဆုံးဖြစ်နေသည်။
PSG အသင်းသည် ဆာဆူအိုလိုအသင်းမှ အီတလီတိုက်စစ်မှူး ဆကာမာကာကိုလည်း ခေါ်ယူရန် သဘောတူညီမှုရရှိထားပြီဖြစ်ကြောင်း သိရသည်။
