အင်တာမီလန်အသင်းနောက်ခံလူ ရှကရီညာကိုခေါ်ယူရန် မန်ယူနှင့် PSG အသင်းတို့ အပြိုင်ကြိုးပမ်းသွားမည်ဖြစ်ကြောင်း သိရသည်။
ရှကရီညာသည် အဆိုပါနှစ်သင်းအပြင် ဘိုင်ယန်မြူးနစ်၊ မန်စီးတီးနှင့် ရီးယဲလ်တို့လို ဥရောပထိပ်သီးအသင်းများ၏ ကာလရှည်ပစ်မှတ်အဖြစ် ရှိနေခဲ့သူဖြစ်သည်။
ရှကရီညာသည် မူလက အင်တာမီလန်အသင်း၏ အဓိကနောက်ခံလူတစ်ဦးအဖြစ် ရှိခဲ့သော်လည်း နည်းပြ ကွန်တီ ရောက်ရှိလာပြီးနောက် ရုန်းကန်နေရသည်။
အင်တာမီလန်နည်းပြ ကွန်တီ၏ (၃)ယောက်တန်းခံစစ်တွင် ၎င်းမှာ အံမဝင်ဘဲ ရုန်းကန်နေရသဖြင့် အသင်းပြောင်းရွှေ့ရန် စိတ်ကူးနေကြောင်း သတင်များထွက်ပေါ်နေသည်။
ရှကရီညာအတွက် အင်တာမီလန်အသင်းသည် ပြောင်းရွှေ့ကြေး ယူရို(၆၅)သန်းဝန်းကျင် အလိုရှိနေကြောင်းလည်း အီတလီမီဒီယာများက ဖော်ပြနေသည်။
အသက် (၂၅)နှစ်အရွယ် ရှကရီညာသည် ၂၀၁၇ ခုနှစ်တွင် ဆမ်ဒိုးရီးယားမှ အင်တာမီလန်သို့ ယူရို(၃၄)သန်းဖြင့် ပြောင်းရွှေ့လာခဲ့သူဖြစ်သည်။
