ရီးယဲလ်နှင့် ပြင်သစ်လက်ရွေးစင်တိုက်စစ်မှူးဟောင်း အနယ်လ်ကာက လက်ရှိ PSG ကြယ်ပွင့်တိုက်စစ်မှူး ဘာပေ ကို လာမည့်ရာသီတွင် ရီးယဲလ်အသင်း၌ မြင်တွေ့ရလိမ့်မည်ဟု ထင်မြင်မိကြောင်း ပြောကြားခဲ့သည်။
PSG နှင့် စာချုပ်ကုန်ဆုံးတော့မည့် ဘာပေသည် ရီးယဲလ်နှင့် သဘောတူညီမှုရထားပြီဟု သတင်းထွက်နေသော်လည်း အတည်မပြုနိုုင်သေးပေ။
အနယ်လ်ကာက “သူ့ခေါင်းထဲ ဘာရှိလဲတော့ မသိပါဘူး။ ဒါပေမဲ့ သူ PSG အသင်းမှာ ဆက်နေချင်ရင် အစောကြီးကတည်းက သက်တမ်းတိုးပြီးသားဖြစ်နေမှာပါ။ သူ ရီးယဲလ်ကို သွားလိမ့်မယ်လို့ ကျွန်တော်ထင်ပါတယ်”ဟု ပြောကြားခဲ့သည်။
