ရီးယဲလ်အသင်းသည် နည်းပြသစ် အန်ဆယ်လော့တီနှင့်အတူ လာမည့် ၂၀၂၁-၂၂ ရာသီအတွက် လေ့ကျင့်ရေးအစီအစဉ်များကို ဇူလိုင် (၅)ရက်နေ့ (တနင်္လာနေ့)က စတင်ခဲ့ပြီး စီနီယာကစားသမား (၁၃)ဦးနှင့် လူငယ်အသင်းမှ ကစားသမား (၁၀)ဦးပါဝင်ခဲ့ကြောင်း သိရသည်။
လေ့ကျင့်ရေးအစီအစဉ်တွင်ပါဝင်သည့် ကစားသမားများသည် ဇူလိုင် (၅)ရက်နေ့ နံနက်ပိုင်းက ကျန်းမာရေးဆိုင်ရာ စစ်ဆေးမှုများ စတင်ပြုလုပ်ခဲ့ကြပြီး လေ့ကျင့်ရေးကိုစတင်ခဲ့သည်။
ယခုအစောပိုင်း လေ့ကျင့်ရေးအစီအစဉ်တွင် လူနင်၊ ကာဗာဟယ်လ် ၊ နာချို၊ မာဆယ်လို၊ အော်ဒရီယိုဇိုုလာ၊ မန်ဒီ၊ အစ္စကို၊ အော်ဒီဂွါ၊ ဗက်ဇ်ကေး၊ မာရီယာနို၊ ရိုဒရီဂို၊ ဘရာဟင်မ်ဒီယက်ဇ်နှင့် ယိုဗစ် စသည့် စီနီယာကစားသမားများ ပါဝင်ခဲ့ကြသည်။
ယူရို- ၂၀၂၀ ဝင်ရောက်ယှဉ်ပြိုင်ခဲ့သည့် ကစားသမားများနှင့် ကိုပါအမေရိကပြိုင်ပွဲ ဝင်ရောက်ယှဉ်ပြိုင်နေသည့် ကစားသမားများမှာမူ ဇူလိုင် (၂၅)ရက်နောက်ပိုင်းတွင်မှ အသင်းနှင့် ပူးပေါင်းဖွယ်ရှိနေကြောင်း သိရသည်။
