ရီးယဲလ်အသင်းနှင့် စာချုပ်သစ် ချုပ်ဆိုခဲ့သည့် ဘရာဇီးလ်တိုက်စစ်ကစားသမား ရိုဒရီဂို၏ စာချုပ်တွင် ယူရို (၁) ဘီလီယံတန် လျော်ကြေးစာချုပ် ပါဝင်ကြောင်း သိရှိရသည်။
ရိုဒရီဂို(၂၂ နှစ်)သည် ၂၀၁၉ ခုနှစ်တွင် ဆန်းတို့စ်အသင်းမှ ရီးယဲလ်အ သင်းသို့ ရောက်ရှိခဲ့သူဖြစ်ပြီး ပြီးခဲ့သည့်နောက်ဆုံးနှစ်ရာသီတွင် ရီးယဲလ်အသင်း၏ အမာခံကစားသမားတစ်ဦးအဖြစ် ရပ်တည်လာနိုင်ခဲ့သူဖြစ်သည်။
လက်ရှိရာသီတွင်လည်း အသင်း၏ အဓိကကစားသမားအဖြစ် ခြေစွမ်းပြနေ သောကြောင့် ရီးယဲလ်အသင်းက ၎င်းအား သက်တမ်းတိုးရန် ဆုံးဖြတ်ခဲ့ခြင်း ဖြစ်ကြောင်း သိရသည်။
ရီးယဲလ်အသင်းသည် ၂၀၂၅ ခုနှစ်တွင် စာချုပ်ကုန်ဆုံးမည့် ရိုဒရီဂိုကို ၂၀၂၈ ခုနှစ်အထိ သက်တမ်းတိုးစာချုပ်သစ် ချုပ်ဆိုလိုက် ခြင်းဖြစ်သည်။
ရီးယဲလ်အသင်းသည် ပြီးခဲ့သည့်ရက်ပိုင်းအတွင်းတွင် ဗင်နီစီယပ်စ်အား ၂၀၂၇ ခုနှစ်အထိ သက်တမ်းတိုးခဲ့ပြီးနောက် ယခုအခါ ရိုဒရီဂိုကို ထပ်မံသက်တမ်းတိုးခဲ့ခြင်းဖြစ်သည်။
ထို့ပြင် ဗင်နီစီယပ်စ်၏ စာချုပ်သစ်၌ ယူရို(၁)ဘီလီယံတန် လျော်ကြေးစာချုပ် ပါဝင်ခဲ့သလို၊ ရိုဒရီဂို၏ သက်တမ်းတိုးစာချုပ်တွင်လည်း ယူရို(၁)ဘီလီယံတန် လျော်ကြေးစာချုပ် ပါဝင်ကြောင်း သိရသည်။
