လီဗာပူးလ်ကွင်းလယ်ကစားသမားဟောင်း စတီဗင်ဂျရတ် ကိုင်တွယ်နေသည့် စကော့တလန်ကလပ် ရိန်းဂျားစ်အသင်း၏ ပွဲ(၄၀)ဆက် ရှုံးပွဲမရှိစံချိန်မှာ ပြီးခဲ့သည့်စနေနေ့က ရပ်တန့်သွားခဲ့ကြောင်း သိရသည်။
ရိန်းဂျားစ်အသင်းသည် စကော့တလန်လိဂ်ပြိုင်ပွဲတွင် ပြီးခဲ့သည့်ရာသီက ရှုံးပွဲမရှိရလဒ်ဖြင့် ဗိုလ်စွဲခဲ့သလို၊ ပြိုင်ပွဲပြီးဆုံးသည်အထိ မကျင်းပနိုင်ခဲ့သော ၂၀၁၉-၂၀ ရာသီတွင်လည်း နောက်ဆုံးပွဲမတိုင်မီ ရှုံးပွဲတွေ့ပြီး နောက်ဆုံးပွဲ၌ အနိုင်ရခဲ့သည်။
ထို့ကြောင့် ယခုရာသီအဖွင့်ပွဲနှင့် ပေါင်းလိုက်ပါက ပွဲ(၄၀)ဆက်ရှုံးပွဲမရှိခဲ့ခြင်းဖြစ်သည်။
ယင်းစံချိန်မှာ စကော့တလန်လိဂ်ပွဲစဉ်(၂)တွင် ဒန်ဒီးယူနိုက်တက်ကို (၀-၁)ဂိုးဖြင့် ရှုံးနိမ့်ပြီး ရပ်တန့်သွားခဲ့ခြင်းဖြစ်ကြောင်း သိရသည်။
