ဘာစီလိုနာအသင်းသည် အာဆင်နယ်အသင်းခေါ်ယူရန် စိတ်ဝင်စားနေသည့် အသင်းတောင်ပံကစားသမား ရာဖင်ညာကို ပေါင်သန်း(၁၀၀) ဈေးနှုန်းသတ်မှတ်လိုက်ကြောင်း သိရှိရသည်။
အာဆင်နယ်အသင်းသည် မူဒရစ်အား လက်လွှတ်လိုက်ရပြီးနောက် ပြီးခဲ့သည့်နွေက ခေါ်ယူရန် ကြိုးပမ်းခဲ့ဖူးသည့် ဘရာဇီးလ်တောင်ပံကစားသမား ရာဖင်ညာကို ပြန်လည်ပစ်မှတ်ထားလာကြောင်း သိရှိရသည်။
အသက် (၂၆) နှစ်အရွယ်ရှိ ဘရာဇီးလ် တောင်ပံကစားသမား ရာဖင်ညာသည် ပြီးခဲ့သည့်နွေကမှ လိဒ်စ်အသင်းမှ ဘာစီလိုနာအသင်းသို့ ပေါင် (၅၅)သန်းဖြင့် ပြောင်းရွှေ့လာသူဖြစ်သည်။
၎င်းသည် ယခုရာသီတွင် ဘာစီလိုနာအတွက် ပြိုင်ပွဲစုံ (၂၃) ပွဲတွင် (၃) ဂိုး သွင်းယူထားသည်။ ဘာစီလိုနာသည် ရာဖင်ညာအား ရောင်းချလိုခြင်းမရှိသော်လည်း အသင်း၏ဘဏ္ဍာရေးအခြေအနေကြောင့် စဉ်းစားဖွယ်ရှိနေသည်။
ထို့ကြောင့် အာဆင်နယ်အသင်းက ပေါင်သန်း(၁၀၀) ဖြင့် ကမ်းလှမ်းလာပါက ရာဖင်ညာကို လက်လွှတ်ဖွယ်ရှိနေကြောင်း သိရသည်။
