လိဒ်စ်အသင်းနည်းပြ ဘီယဲလ်ဆာက ရလဒ်များဆိုးရွားနေခြင်းကြောင့် ရာထူးမှ ထုတ်ပယ်ခံရနိုင်ကြောင်း ဝန်ခံပြောကြားသည်။
လိဒ်စ်အသင်းသည် ယခုရာသီ ပရီးမီးယားလိဂ်တွင် ရုန်းကန်နေရပြီး ပွဲစဉ် ၁၇ အပြီးတွင် ရမှတ် ၁၆ မှတ်ဖြင့် အဆင့် ၁၆ နေရာ၌ ရပ်တည်နေကာ အဆင့် ၁၈ နေရာမှ ဘန်လေ(၁၁ မှတ်) နှင့် ငါးမှတ်သာ ကွာဟသည်။
ထို့ပြင် လိဒ်စ်အသင်းသည် ပြီးခဲ့သည့်အင်္ဂါနေ့က ကစားခဲ့သည့် ပရီးမီးယားလိဂ်ပွဲစဉ်တွင် မန်စီးတီးအသင်းကို (၀-၇) ဂိုးဖြင့် ရှုံးနိမ့်ခဲ့သဖြင့် လိဒ်စ်နည်းပြ ဘီယဲလ်ဆာမှာ ဝေဖန်မှုများ ရင်ဆိုင်နေရသည်။
ဘီယဲလ်ဆာက “နည်းပြအလုပ်က မတည်မြဲပါဘူး။ ကျွန်တော့်အနေနဲ့ လိဒ်စ်အသင်းနည်းပြရာထူးကနေ အချိန်မရွေး ထုတ်ပယ်ခံနိုင်ပါတယ်။ ဒါပေမဲ့ ကျွန်တော့် အနေနဲ့ အဆုံးထိ တိုက်ပွဲဝင်သွားမှာပါ”ဟု ပြောကြားသည်။
