ချယ်လ်ဆီးအသင်းပိုင်ရှင် တော့ဒ်ဘိုလီသည် ရလဒ်ဆိုးများနှင့် ရင်ဆိုင်နေရသော်လည်း နည်းပြ ဂရေဟမ်ပေါ်တာကို ထုတ်ပယ်ခြင်းမပြုသည်မှာ အာဆင်နယ်နည်းပြ အာတီတာနည်းတူ အချိန်ပေးသွားရန် ရည်ရွယ်ထားခြင်းကြောင့်ဖြစ်ကြောင်း Daily Mail က ဖော်ပြခဲ့သည်။
အာတီတာသည် ပြီးခဲ့သည့်ရာသီက ရာထူးမှ ထုတ်ပယ်ရန် တောင်းဆိုခံရသူ ဖြစ်ခဲ့သော်လည်း အာဆင်နယ်ဘုတ်အဖွဲ့က အခွင့်အရေးဆက်ပေးခဲ့သောကြောင့် လက်ရှိရာသီတွင် ချန်ပီယံဆုကို စိန်ခေါ်နိုင်သည့်အသင်း ဖြစ်လာသည်ဟု တော့ဒ်ဘိုလီက ယူဆနေကြောင်း သိရသည်။ ထို့ကြောင့် နောက်ဆုံး(၁၄)ပွဲ၌ (၂)ပွဲသာ အနိုင်ရခဲ့သော်လည်း ဂရေဟမ်ပေါ်တာကို ထုတ်ပယ်ရန် အစီအစဉ်မရှိဟု သိရသည်။
ဂရေဟမ်ပေါ်တာအနေဖြင့် ဖောင်းပွလွန်သည့် အသင်းလူစာရင်းကြောင့် ထိန်းသိမ်းရခက်သည့် အခြေအနေနှင့် ရင်ဆိုင်နေရသည်ဟု အသင်းဂိုးသမားဟောင်းတစ်ဦးဖြစ်သူ ရော့ဘ်ဂရင်းက ဝေဖန်ခဲ့ပြီး အသင်းတိုက်စစ်မှူးဟောင်း ခရစ္စဆပ်တန်ကလည်း ကစားသမားအများအပြားခေါ်ယူမှု ဂရေဟမ်ပေါ်တာအတွက် ခေါင်းခဲစရာဖြစ်ကြောင်း သုံးသပ်ခဲ့သည်။
