ချန်ပီယံလိဂ်အုပ်စုအဆင့်ပွဲစဉ်တွေ ပြီးဆုံးဖို့ နှစ်ပွဲပဲ လိုပါတော့တယ်။ ဒီအချိန်မှာ နာပိုလီ၊ ကလပ်ဘရုဂေး၊ ဘိုင်ယန်မြူးနစ်၊ ရီးယဲလ်မက်ဒရစ်နဲ့ မန်စီးတီးတို့ ရှုံးထွက်အဆင့်ကို တက်ရောက်ဖို့ အဖြေထွက်ခဲ့ကြပြီး ကျန်အသင်းတွေကတော့ ဆက်ပြီးအဖြေရှာရဦးမှာပါ။ ပြိုင်ပွဲပုံစံက (၄)သင်းစီ ပါဝင်တဲ့အုပ်စုမှာ အမှတ်အများဆုံးရတဲ့ ထိပ်ဆုံးနှစ်သင်းစီ ရှုံးထွက်(၁၆)သင်းအဆင့်ကို တက်ရောက်ယှဉ်ပြိုင်ခွင့်ရရှိမှာဖြစ်ပြီး အုပ်စုတတိယရတဲ့အသင်းက ယူရိုပါလိဂ်ကို ကူးပြောင်းယှဉ်ပြိုင်ရမှာပါ။
