ဘက်တစ်ဝါရင့်တောင်ပံကစားသမား ယုုိကွင်းသည် လူဒိုဂိုရတ်စ်အသင်းအား အနိုင်ရသည့် ယူရိုပါလိဂ်အုပ်စုပွဲစဉ်တွင် ဂိုးသွင်းယူပြီးနောက် ပြိုင်ပွဲသမိုင်းတွင် အသက်အကြီးဆုံး ဂိုးသွင်းသူအဖြစ် မှတ်တမ်းဝင်ခဲ့ကြောင်း သိရသည်။
စက်တင်ဘာ ၁၅ ရက်က ကစားခဲ့သည့် ယူရိုပါလိဂ်အုပ်စုပွဲစဉ် ဘက် တစ် (၃-၂) လူဒိုဂိုရတ်စ်ပွဲတွင် ယော်ကွင်းသည် ပွဲချိန် ၃၉ မိနစ်တွင် ဘက်တစ်အသင်းအတွက် ဒုတိယဂိုးကို သွင်းယူခဲ့ခြင်းဖြစ်သည်။
ယင်း ဂိုးသွင်းချိန်တွင် ယော်ကွင်း၏အသက်မှာ ၄၁ နှစ်၊ ၅၆ ရက် ရှိပြီဖြစ်ရာ ယူရိုပါလိဂ်ပြိုင်ပွဲ သမိုင်းတွင် အသက်အကြီးဆုံး ဂိုးသွင်းသူအ ဖြစ် မှတ်တမ်းဝင်ခဲ့ခြင်းဖြစ်သည်။
ယခင်က ယူရိုပါလိဂ်ပြိုင်ပွဲတွင် အသက်အကြီးဆုံးဂိုးသွင်းသူအဖြစ် မိုလ်ဒီဝါရင့်ကွင်းလယ်လူ ဟီစတက်ဒ်က ၂၀၁၅ ခုနှစ်တွင် ၄၀ နှစ်၊ ၉၈ ရက်ဖြင့် စံချိန်တင်ထားခဲ့ပြီး ယခု ယင်းစံချိန်ကို ယော်ကွင်းက ချိုးဖျက်ခဲ့ခြင်းဖြစ်သည်။
