ယ်သာလန် လက်ရွေးစင် အသင်းရဲ့ ဗဟို ခံစစ်မှူး ဖြစ်သူ မက်သီးယပ် ဒီလစ်က ဒီပေးရဲ့ ယူနိုက်တက် ကစား သမားဘဝ အတွေ့အကြုံတွေက သူ့ကို အခုလို ပိုကောင်းတဲ့ ကစားသမား တစ်ဦး ဖြစ်စေနိုင်ခဲ့ကြောင်း ထုတ်ဖော် ပြောကြား သွားခဲ့လိုက် ပါတယ် ။
မန်ဖစ် ဒီပေးဟာ လက်ရှိ အချိန်မှာ နယ်သာလန် လက်ရွေးးစင် အသင်းရဲ့ အဓိက တိုက်စစ်မှူး တစ်ဦး အဖြစ် ရှိနေသူ ဖြစ်ပြီး စျေးကွက်ထဲမှာ ဘာစီလိုနာ ၊ PSG အသင်း တွေရဲ့ စိတ်ဝင်စားမှု တွေကို ရရှိနေတဲ့ ကစားသမား တစ်ဦးလည်း ဖြစ်ပါတယ် ။
သူဟာ ယခင်တုန်းက ပရီးမီးယားလိဂ် ထိပ်သီး မန်ချက်စတာ ယူနိုက်တက် အသင်းမှာ 18 လကြာ နေခဲ့ဖူးသူ ဖြစ်ပြီး ကစားခွင့် ရရှိခဲ့တဲ့ ပွဲစဥ် 33 ပွဲမှာ 2 ဂိုးသာ သွင်းယူနိုင်ခဲ့တဲ့ အတွက် ဝေဖန်မှုတွေကို ခံနေခဲ့ရသူ တစ်ဦးပဲ ဖြစ်ခဲ့ရ ပါတယ် ။ အဆိုပါ အချိန်က ဖက်ရှင် ဦးစားပေးတဲ့ နယ်သာလန်သားဟာ စီနီယာ တိုက်စစ်မှူး ရွန်းနီရဲ့ အပြစ်တင်မှုကိုလည်း ခံခဲ့ရပါသေးတယ် ။
အခုတော့ သူဟာ အသက်အရွယ်ငယ်တဲ့ နယ်သာလန် လက်ရွေးစင် အသင်းအတွက် အဓိက ကစားသမား တစ်ဦး ဖြစ်နေခဲ့ပါပြီ ။ ထို့အတူ ဗဟို ခံစစ်မှူး ဒီလစ်ကလည်း တိုက်စစ်မှူး ဖြစ်သူ အပေါ် ချီးကျူး စကားတွေ ဆိုသွားခဲ့လိုက် ပါတယ် ။
” မန်ဖစ်ဟာ သူ့ရဲ့ ကစားသမား ဘဝမှာ အတွေ့အကြုံတွေ အများကြီး ရရှိထားခဲ့ပါပြီ ။ ဟော်လန်တို့ တတိယ ရရှိခဲ့ကြတဲ့ 2014 ကမ္ဘာ ဖလား က သူ့ရဲ့ အပေါ်မှာတော့ သက်ရောက်မှု အရမ်းကို ကြီးမားခဲ့ ပါတယ် ။ ဒါ့အပြင် သူဟာ မန်ချက်စတာ ယူနိုက်တက်လို အသင်း အတွက် ကစားပေးခဲ့တာကိုလည်း လူတွေ မေ့လျော့နေပုံ ပါပဲ ”
” အဲ့ဒီမှာ ထိပ်တန်း ကစားသမား တစ်ဦး ဖြစ်နိုင်ဖို့ ဘာတွေကို လိုအပ်သလဲ ဆိုတာ သူ လေ့လာ သင်ယူ နိုင်ခဲ့တယ်လေ ။ အခုတော့ သူ့ရဲ့အတွေ့အကြုံတွေကို အသင်းမှာ ရှိကြတဲ့ လူငယ်ကစားသမားတွေဆီ ဒီပေးဟာ ပြန်ပြီး ဖြန့်ဝေ ပေးနေခဲ့ပါပြီ ”
” အသင်းရဲ့ လေ့ကျင့်ရေးကွင်းမှာဆိုရင် ‘ ဟျောင့်တွေ ၊ လုပ်ကြစမ်းပါ ၊ ဒါကမှ တစ်ကယ့် ထိပ်တန်း အဆင့်ကို ပြရမယ့် နေရာ ၊ အခိုက်အတန့်ပဲ ။ မင်းတို့ ငါတို့ လိုချင် နေကြတာ ဒီလို အခိုက်အတန့်ပဲ ‘ ဆိုကြီး လူငယ်တွေကို စိတ်ဓါတ် တက်ကြွအောင် လှုံ့ဆော် ပေးနေခဲ့ ပါတယ် ”
” သူ့ကို အသင်းမှာ ပိုင်ဆိုင်ထားရတာက ခမ်းနားလှ ပါတယ် ။ သူ့ရဲ့ အရည်အသွေးတွေကြောင့်ပဲ မဟုတ်ပါဘူး ၊ သူဟာ တစ်ကယ့်ကို ကောင်းတဲ့ လူသား တစ်ဦးလည်း ဖြစ်တဲ့ အတွက် သူ့ကို ပိုင်ဆိုင်ထားရတာ ကောင်းမွန်လှ ပါတယ် ” လို့ ဒီလစ် က ချီးကျူး စကားတွေ ဆိုခဲ့လိုက် ပါတယ် ။
လက်ရှိ အချိန်မှာတော့ လိုင်ယွန် အသင်းနဲ့ စာချုပ် သက်တမ်း ကုန်ဆုံးတော့မယ့် မန်ဖစ် ဒီပေးဟာ သိပ် မကြာမီမှာ အလွတ် ပြောင်းရွှေ့ကြေး နဲ့ ခေါ်ယူလို ရနိုင်မယ့် ကစားသမား တစ်ဦး ဖြစ်သွားဖို့ ရှိနေပြီး ဥရောပ ထိပ်သီး ကလပ်တွေက သူ့ကို စောင့်ကြည့်နေကြ ပါတယ် ။
