ယခုနွေရာသီအပြောင်းအရွှေ့ဈေးကွက်တွင် စပါးအသင်းမှထွက်ခွာလိုနေသည့် အင်္ဂလန်လက်ရွေးစင်တိုက်စစ်မှူး ဟာရီကိန်းသည် ၎င်းအား ခေါ်ယူရန်အတွက် မန်ယူအသင်း၏ကမ်းလှမ်းမှုကို မျှော်လင့်နေဆဲဖြစ်ကြောင်း Daily Mail က ဖော်ပြခဲ့သည်။
အသက် (၃၀) အရွယ်ရှိ ဟာရီကိန်းသည် ၂၀၂၄ ခုနှစ်တွင် စပါးအသင်းနှင့် စာချုပ် သက်တမ်းကုန်ဆုံးမည်ဖြစ်ပြီး ယခုနွေရာသီတွင် မန်ယူအသင်းထံသို့ ပြောင်းရွှေ့ကစားလိုနေ ကြောင်း သတင်းထွက်ပေါ်နေသည်။ သို့သော် စပါးအသင်းဥက္ကဋ္ဌ လီဗီသည် အသင်း၏အဓိ ကတိုက်စစ်မှူး ဟာရီကိန်းကို ပြည်တွင်းကလပ်အသင်းများထံသို့ ရောင်းချလိုခြင်းမရှိသည့်အတွက် ၎င်း၏ပြောင်းရွှေ့ကြေးကို ပေါင်သန်း (၁၀၀) သတ်မှတ်ထားကြောင်း သိရှိရသည်။
မန်ယူအသင်းသည် ဟာရီကိန်းကို ခေါ်ယူလိုသော်လည်း စာချုပ်သက်တမ်း (၁)နှစ်သာ ကျန်ရှိတော့ပြီး လာမည့်ဇူလိုင်လ (၂၈)ရက်တွင် အသက် (၃၀) ပြည့်မည့် ကစားသမားတစ်ဦးအတွက် ပေါင်သန်း (၁၀၀) ရင်းနှီးမြှုပ်နှံရန် ဆန္ဒမရှိကြောင်း သိရသည်။
ထို့ကြောင့် မန်ယူအသင်းသည် လက်ရှိတွင် ဟာရီကိန်းအား ခေါ်ယူမည့်အစီအစဉ်ကို လက်လျှော့ပြီး အတ္တလန်တာတိုက်စစ်မှူး ဟူလန်းကို ခေါ်ယူရန် စိတ်ဝင်စားနေကြောင်း သိရှိရသည်။ သို့သော် ဟာရီကိန်းသည် ၎င်းအတွက် မန်ယူအသင်း၏ကမ်းလှမ်းမှုကို မျှော်လင့်နေဆဲဖြစ်ပြီး အသင်းဥက္ကဋ္ဌ လီဗီအနေဖြင့် ၎င်းအား ပေါင်သန်း (၈၀)ဖြင့် ရောင်းထုတ်စေလိုနေကြောင်း Daily Mail က ဖော်ပြခဲ့သည်။
စပါးအသင်းအနေဖြင့် ဟာရီကိန်းအတွက် ပြောင်းရွှေ့ကြေးကို ပေါင်သန်း (၁၀၀)မှ ပေါင်သန်း (၈၀) သို့ လျှော့ချခဲ့မည်ဆိုပါက မန်ယူအသင်းအနေဖြင့် ၎င်းကို ကမ်းလှမ်းဖွယ်ရှိနေကြောင်း သိရှိရသည်။
မန်ယူနည်းပြ တန်ဟက်ဂ်သည် ယခုနွေရာသီအပြောင်းအရွှေ့ဈေးကွက်တွင် ဟာရီကိန်းအား အဓိကပစ်မှတ်အဖြစ် သတ်မှတ်ထားပြီး ပေါင်သန်း (၈၀)ဖြင့်ရပါက ခေါ်ယူလိုနေကြောင်း သိရှိရသည်။ သို့သော် စပါးအသင်းဥက္ကဋ္ဌ လီဗီကမူ ဟာရီကိန်းကို ပရီးမီးယားလိဂ် ပြိုင်ဘက်အသင်းထံသို့ လုံးဝရောင်းချလိုခြင်းမရှိဘဲ မဖြစ်မနေရောင်းချရမည်ဆိုပါကလည်း ပြည်ပကလပ်အသင်းထံသို့ ရောင်းချလိုနေကြောင်း သိရှိရသည်။
