စပါးအသင်းကစားသမားများသည် ယခု ဇန်နဝါရီအပြောင်းအရွှေ့ကာလတွင် ကစား သမားသစ်များ ခေါ်ယူခြင်းမရှိပါက အသင်း နည်းပြ ကွန်တီ ထွက်ခွာသွားမည်ကို စိုးရိမ် နေကြကြောင်း ဗြိတိန်သတင်းစာ Daily Mail က ဖော်ပြခဲ့သည်။
အသက် ၅၂ နှစ်အရွယ်ရှိ အီတလီလူမျိုးနည်းပြ ကွန်တီသည် ၂၀၂၁ နိုဝင်ဘာလတွင် စပါးအသင်းကို ၁၈ လစာချုပ်ဖြင့် ကိုင်တွယ်ခဲ့သူဖြစ်သည်။ စပါးအသင်းသည် ကွန်တီ လက်အောက်$ ပရီးမီးယားလိဂ်ပြိုင်ပွဲတွင် ရှုံးပွဲမရှိသေးသော်လည်း လိဂ်ဖလားပြိုင်ပွဲတွင် ချယ်လ်ဆီးအသင်းကို နှစ်ကျော့စလုံး ရှုံးနိမ့်ကာ ဆီမီးဖိုင်နယ်အဆင့်မှ ထွက်ခွာခဲ့ရသည်။
ကွန်တီက စပါးအသင်းကို စတင်ကိုယ်တွယ်ပြီး နှစ်ပတ်အကြာမှာပင် အသင်းလူစာရင်းမှာ လုံလောက်မှုမရှိကြောင်းနှင့် ယခုဇန်နဝါရီအ ပြောင်းအရွှေ့ကာလတွင် ကစားသမားသစ်များ မဖြစ်မနေခေါ်ယူရမည်ဟု အတိအလင်း ပြောဆိုထားသည်။ သို့သော် လက်ရှိအချိန်မှာ ဇန်နဝါရီအ ပြောင်းအရွှေ့တစ်ဝက် ကျိုးလာခဲ့ပြီးဖြစ်သော်လည်း စပါးအသင်းအနေဖြင့် ကစားသမားသစ် ခေါ်ယူခြင်းမရှိသေးပေ။
ထို့ကြောင့် စပါးအသင်း၏ အဝတ်လဲခန်းတွင် ကစားသမားများအနေဖြင့် အသင်းနည်းပြရာထူးမှ ကွန်တီ ထွက်ခွာသွားမည်ကို စိုးရိမ်ပူပန်လျက်ရှိနေကြောင်း Daily Mail က ဖော်ပြခဲ့ခြင်းဖြစ် သည်။ ကွန်တီသည် အင်တာမီလန်ကိုကိုင် တွယ်စဉ်ကလည်း ကစားသမားသစ်ခေါ်ယူပေးရန် တောင်းဆိုရာတွင် အဆင်မပြေသဖြင့် လမ်းခွဲခဲ့ဖူးရာ ယခုလည်း ယင်းကဲ့သို့ဖြစ်လာမည်ကို စပါးကစားသမားများက စိုးရိမ်နေကြကြောင်း သိရသည်။
စပါးအသင်းသည် ၂၀၁၉ တွင် ချန်ပီယံ လိဂ်ဗိုလ်လုပွဲ တက်ရောက်ပြီးနောက် ကစား သမားသစ်ခေါ်ယူမှုအတွက် ပေါင်သန်း ၃၀၀ ကျော် အသုံးပြုခဲ့သော်လည်း အသင်းကို အကျိုးပြုနိုင်သည့် ကစားသမားများကို ခေါ်ယူနိုင်ခဲ့ခြင်းမရှိပေ။ သို့သော် ကွန်တီသည် စပါးအသင်းကို ကိုင်တွယ်ပြီးနောက် လိုအပ်သည့် နေရာများအတွက် ကစားသမားသစ်များ ခေါ်ယူပေးရန် အသင်းတာဝန်ရှိသူများထံ တောင်းဆိုထားကြောင်း သိရသည်။
ထို့ကြောင့် စပါးအသင်းဥက္ကဋ္ဌ လီဗီနှင့် အားကစားဒါရိုက်တာ ပါရာတီချီတို့အနေဖြင့် နှစ်ပတ်သာကျန်ရှိတော့သည့် ယခုဇန်နဝါရီ အပြောင်းအရွှေ့ကာလတွင် ကစားသမားသစ်များ ခေါ်ယူနိုင်ရန် ကြိုးစားရတော့မည်ဖြစ်သည်။ လက်ရှိ စပါးအသင်းကစားသမားများသည် ကွန်တီ လက်အောက်တွင် အသင်း၏ တိုးတက်မှုများအပေါ် ကျေနပ်လျက်ရှိနေကြပြီး ကစားသမားသစ် မခေါ်ပေးလျှင် အသင်း မှ ကွန်တီ ထွက်ခွာသွားမည်ကို စိုးရိမ်နေကြကြောင်း သိရှိရသည်။
