အာဆင်နယ်တောင်ပံကစားသမား ဆာကာက မိမိအနေဖြင့် ယခုထက်ပိုမိုတိုးတက်လာဦးမည်ဟု ပြောကြားခဲ့သည်။
အသက် (၂၂) နှစ်အရွယ်ရှိ ဆာကာသည် အင်္ဂလန်တစ်နှစ်တာအကောင်းဆုံးကစားသမားဆုကို (၂) နှစ်ဆက်တိုက် ရရှိခဲ့သူဖြစ်ပြီး မိမိအနေဖြင့် အနာဂတ်တွင် ပိုကောင်းလာမည်ဟု ပြောကြားခဲ့ခြင်းဖြစ်သည်။
ဆာကာက “ကျွန်တော် အမြဲတမ်းတိုးတက်မှုကို ရှာဖွေနေသလို နှစ်တိုင်းလည်း ဆက်လက်တိုးတက်နေပါတယ်။ ဒါကြောင့် ဒီနှစ်လည်း ပိုကောင်းလာဦးမှာပါ။ ခေါင်းကိုငုံ့ထားပြီး အလုပ်ကိုပဲ ဆက်လုပ်နေပါတယ်။ ကျွန်တော်နဲ့ အသင်းအတွက် ကျွန်တော်လိုချင်တဲ့ ပစ်မှတ်တွေရှိနေပါသေးတယ်”ဟု ပြောကြားခဲ့သည်။
ဆာကာသည် ပြီးခဲ့သည့် ၂၀၂၂-၂၃ ရာသီက အာဆင်နယ်အတွက် ပြိုင်ပွဲစုံ (၄၈) ပွဲတွင် (၁၅) ဂိုးသွင်းယူခဲ့ပြီး ယခုရာသီ ပရီးမီးယားလိဂ် (၄) ပွဲတွင် (၂) ဂိုး သွင်းယူထားသည်။
