လီဗာပူး အသင်း ရဲ့ နောက်ခံလူ ဂျေမီ ကာရေဂါ က အာဆင်နယ် အသင်း ရဲ့ တိုက်စစ် အစုအဖွဲ့ဟာ ကမ္ဘာ့အဆင့် အနေအထား မရှိသေးဘူးလို့ ယုံကြည် နေပြီး ဂန်းနားကြယ်ပွင့် မာတင်နယ်လီ ဟာ အတော်လေး ရုန်းကန် နေရကြောင်း သုံးသပ် ပြောကြား သွားခဲ့ပါတယ် ။
အာဆင်နယ် အသင်း ရဲ့ ရှေ့တန်း သုံးယောက် တိုက်စစ် အတွဲဟာ ဒီရာသီမှာ စုစုပေါင်း သွင်းဂိုး ၂၀ ( ဆာကာ – ၉ ဂိုး ၊ ဂျေးဇု – ၇ ဂိုး ၊ မာတင်နယ်လီ – ၄ ဂိုး ) သွင်းထားပြီး ကပ္ပတိန် အော်ဒီဂတ် ကလည်း ၇ ဂိုး အထိ သွင်းထားပါတယ် ။ ဒါပေမဲ့ အာဆင်နယ် အသင်းဟာ ထိပ်ဆုံး ငါးသင်းထဲမှာ သွင်းဂိုး အနည်းဆုံး အသင်း ဖြစ်နေပါတယ် ။
ကာရေဂါ ကတော့ အာဆင်နယ် အသင်း ရဲ့ တိုက်စစ် ကို အားမရ ဖြစ်နေပြီး အာတီတာ ရဲ့ အသင်းမှာ ဆာလာ ၊ ဟာလန်း တို့လို ကစားသမားတွေ လိုအပ်နေတယ်လို့ ပြောကြား သွားခဲ့ပါတယ် ။ ကာရေဂါက Sky Sports မှာ ” အာဆင်နယ် အသင်း ရဲ့ တိုက်စစ် က နည်းနည်း ပုံသေ ဆန်လွန်းနေတယ်လို့ မထင်ဘူးလား ။ တိုက်စစ် သုံးယောက် နှင့် အော်ဒီဂတ် အတွဲအဖက် မိမိ နဲ့ ကမ္ဘာ့အဆင့် ဂိုးတွေ သွင်းပြီး ကျနော်တို့ကို အံ့အားသင့်အောင် လုပ်နိုင်ခဲ့တဲ့ နောက်ဆုံး အချိန်ကို ခင်ဗျားတို့ မှတ်မိလား ။ ”
” အာဆင်နယ် အသင်း ရဲ့ တိုက်စစ် အစုအဖွဲ့က ထိပ်တန်း ကစားသမားတွေ ဖြစ်တယ်ဆိုတာ ကျနော် သံသယ မရှိပါဘူး ။ ဒါပေမဲ့ သူတို့က ကမ္ဘာ့အဆင့် မဟုတ်ပါဘူး ၊ သူတို့ ကမ္ဘာ့အဆင့် ဖြစ်လာနိုင်သလား ဆိုရင် ဆာကာ ကတော့ ဖြစ်လာနိုင်ပါတယ် ၊ ဒီလိဂ်ပြိုင်ပွဲမှာ လီဗာပူး ချန်ပီယံ ဖြစ်ခဲ့တာက ဆာလာ လို ကစားသမား ရှိနေတာကြောင့်ပါ ၊ မန်စီးတီးဆို အရင်က အဂွေးရိုး အခု ဟာလန်း ရှိပါတယ် ။ ”
” အာဆင်နယ် အသင်း ကို ချန်ပီယံ ဖြစ်အောင် ဆွဲတင် ပေးနိုင်တဲ့ ကမ္ဘာ့အဆင့် ကစားသမား ရှိသလား ဆိုရင် ကျနော် ကတော့ မရှိဘူးလို့ပဲ ပြောချင်ပါတယ် ။ အာဆင်နယ် အသင်း ရဲ့ တိုက်စစ်မှာ အရုန်းကန် နေရဆုံး ကစားသမားကို ပြောပါဆို မာတင်နယ်လီပါပဲ ၊ မနှစ်က ရှာကာ က အာဆင်နယ် အသင်းရဲ့ left no 8 နေရာမှာ အဓိက ကစားခဲ့ပါတယ် ၊ အခုတော့ ထရောဆက်ဒ် ကစားလိုက် ရိုက်စ် ကစားလိုက် ဟားဗတ်ဇ် ကစားလိုက်ပါပဲ ။ ဒါက မာတင်နယ်လီ ကို အထောက်အကူ မဖြစ်စေပါဘူး ။ ” လို့ ပြောကြား သွားခဲ့ပါတယ် ။
