မန်ယူအသင်းသည် ယခုနွေရာ သီအပြောင်းအရွှေ့ကာလအတွင်း အသင်းမှ စီနီယာကစားသမားများအပါအဝင် ကစားသမား (၈)ဦးအထိကို ရောင်းချရန် စီစဉ်နေကြောင်း သိရှိရသည်။
ESPN သတင်းဌာနက ဖော်ပြခဲ့သောသတင်းအရ မန်ယူအသင်းသည် ပြင်သစ်တိုက်စစ်မှူး မာစီယဲလ်၊ ဝေးလ်စ်တောင်ပံကစားသမား ဒန်နီယဲလ်ဂျိမ်းစ်၊ အင်္ဂလန်ကွင်းလယ်လူ လင်ဂတ်၊ အင်္ဂလန်နောက်ခံလူ ဘရန်ဒန်ဝီလျံစ်၊ ပေါ်တူဂီနောက်ခံလူ ဒါလော့၊ ဘရာဇီးလ်နောက်ခံလူ အဲလက်စ်တဲလက်စ်၊ အင်္ဂလန်နောက်ခံလူ ဖီးလ်ဂျုံးစ်၊ ဘရာဇီးလ်ကွင်းလယ်လူ ပယ်ရဲရားတို့ကို ရောင်းချရန် စီစဉ်နေကြောင်း သိရှိရသည်။
မန်ယူအသင်း တာဝန်ရှိသူများသည် အသင်း၏ တိုက်စစ်ပိုင်းကို အဓိကအပြောင်းအလဲပြုလုပ်ရန် ဆန္ဒရှိနေပြီး ဒန်နီယဲလ်ဂျိမ်းစ်၊ မာစီယဲလ်၊ လင်ဂတ်အစရှိသည့် ကစားသမားများ၏နေရာတွင် ကစားသမားသစ်များ ပြန်လည်ဖြည့်တင်းသွားမည်ဖြစ်သည်။
မန်ယူအသင်းသည် ၂၀၁၃ ခုနှစ် နောက်ပိုင်းဝေးကွာခဲ့သော ပရီးမီးယားလိဂ်ချန်ပီယံဆုကို ပြန်လည်ရယူရန် ဆန္ဒပြင်းပြနေပြီး ကစားသမားသစ်များ ခေါ်ယူရာ၌ လိုအပ်မည့် ငွေကြေးအတွက် ယင်းကစားသမားများကိုရောင်းချရန် စီစဉ်ခြင်းဖြစ်သည်။
