မန်ယူအသင်းခေါင်းဆောင် မက်ဂွိုင်းရားသည် ချယ်လ်ဆီးအသင်း၏ စိတ်ဝင်စားခြင်းကို ခံနေရသော်လည်း အသင်းမှထွက်ခွာမည်မဟုတ်ဘဲ ပုံမှန်ပွဲထွက်ခွင့်အတွက် တိုက်ပွဲဝင်သွားမည် ဖြစ်ကြောင်း Daily Mial က ဖော်ပြခဲ့သည်။
မက်ဂွိုင်းရား(၂၉ နှစ်)သည် သြဂုတ် (၂၂) ရက်က ကစားခဲ့သည့် ပရီးမီးယားလိဂ်ပွဲစဉ် မန်ယူ (၂-၁) လီဗာပူးလ်ပွဲတွင် ပွဲထွက်စာရင်းမှ ချန်လှပ်ခံခဲ့ရသလို၊ လူစားဝင်ကစားခွင့်ပင် မရခဲ့ပေ။
အဆိုပါပွဲတွင် ပွဲထွက်ကစားသည့် ဗာရန်း-လီဆန်ဒရိုမာတီနက်ဇ်အတွဲမှာ ခြေစွမ်းပြနိုင်သဖြင့် မက်ဂွိုင်းရား၏အနာဂတ်မှာ စိုးရိမ်စရာဖြစ်လာခဲ့သည်။
ယင်းအခြေအနေတွင် ချယ်လ်ဆီးအသင်းက ၎င်းကိုခေါ်ယူရန် စိတ်ဝင်စားနေကြောင်း သတင်းထွက်ပေါ်လာခြင်းဖြစ်သည်။
သို့သော် မက်ဂွိုင်းရားအနေဖြင့် ယခုနွေရာသီတွင် ချယ်လ်ဆီးအသင်းသို့ ပြောင်းရွှေ့ရန် တွန်းအားပေးသွားမည်မဟုတ်ဘဲ မန်ယူအသင်းတွင်သာ ပုံမှန်ပွဲထွက်ခွင့်အတွက် တိုက်ပွဲဝင်ရန် ဆုံးဖြတ်ထားကြောင်း Daily Mail က ဖော်ပြခဲ့သည်။
