မန်ယူအသင်းမှ ခေါ်ယူရန် စိတ်ဝင်စားနေသည့် ပေါ်တိုဂိုးသမား ဒီယိုဂိုကော်စတာသည် လက်ရှိအသင်း၌သာ ဆက်ကစားရန် ဆန္ဒရှိနေကြောင်း သိရသည်။
အသက် ၂၃ နှစ်အရွယ်သာရှိသေးသူ ကော်စတာကို မန်ယူအသင်းက အမှားမကြာခဏကျူးလွန်တတ်သည့် ဒီဟေးယား၏နေရာတွင် အစားထိုးနိုင်မည့်သူအဖြစ် စောင့်ကြည့်နေခြင်းဖြစ်သည်။
“ဒါတွေက အင်တာနက်မှာပဲရှိပါတယ်။ ကျွန်တော်က ပျော်ရွှင်နေပြီး အနှစ်သက်ဆုံးကလပ်အတွက် ကစားခွင့်ရတာဟာ ဂုဏ်ယူစရာတစ်ခုပါပဲ။ သူတို့ ပြောတာတွေက သူတို့အပြောပါပဲ။ ဘာခိုင်မာမှုမှလည်း မရှိပါဘူး။ ကျွန်တော့်စာချုပ်သက်တမ်းက ၂၀၂၇ အထိဖြစ်ပြီး အသင်းမှာ ဆက်ကစားနိုင်မယ်လို့ မျှော်လင့်ပါတယ်” ဟု ဒီယိုဂိုကော်စတာက ပြောကြားခဲ့သည်။
ဆွစ်ဇာလန်တွင်မွေးဖွားခဲ့သည့် ဒီယိုဂိုကော်စတာသည် ပေါ်တူဂီအသင်းအတွက် ၁၂ ပွဲ ကစားထားသည်။
