ပဲလေ့စ်အသင်းသည် မန်ယူအသင်းမှ ဂိုးသမားဒိန်းဟန်ဒါဆန်ကို ငါးနှစ်စာချုပ် ချုပ်ဆို၍ အပြီးသတ်ခေါ်ယူလိုက်ပြီဖြစ်သည်။ ပြောင်းရွှေ့ကြေးကို နှစ်ဘက်ကလပ်အသင်းများက ထုတ်ပြန်ကြေညာခြင်းမရှိသော်လည်း ပေါင်သန်း ၂၀ ခန့်ရှိမည်ဖြစ်ကြောင်း မီဒီယာများက ခန့်မှန်းဖော်ပြသည်။
“မန်ယူအသင်းကို ဂွတ်ဘိုင်လို့ ပြောရတာက စိတ်မချမ်းသာစရာဆိုတာတော့ အားလုံးသိထားပြီးသားလည်း ဖြစ်ပါလိမ့်မယ်။ မန်ယူက ကျွန်တော့်ဘဝအတွက် တစ်စိတ်တစ်ပိုင်းဖြစ်ခဲ့တာက ကျွန်တော်ငယ်ငယ်ကတည်းကလို့ ပြောရပါလိမ့်မယ်”ဟု ဟန်ဒါဆန်က အသင်းပြောင်းရန်နှစ်ဘက်အသင်းများက ထုတ်ပြန်ကြေညာအပြီးတွင် ပြောဆိုလိုက်သည်။
ဟန်ဒါတန်သည် မန်ယူမှ နေ၍ ရှက်ဖီးယူနိုက်တက်အသင်းသို့ ၂၀၁၈ မှ ၂၀၂၀ အထိလည်းကောင်း ၂၀၂၂-၂၃ တွင် ဖောရက်စ်အသင်းသို့ လည်းကောင်းအငှားဖြင့်ထွက်ကစားခဲ့သည်။ ဟန်ဒါဆန်သည် မန်ယူတွင် ပထမဦးစားပေးဂိုးသမားဖြစ်လာရန် အကြိမ်ကြိမ်ကြိုးစားသော်လည်း အောင်မြင်မှုမရဖြစ်ခဲ့ရသည်။
