မန်စီးတီးအသင်းနှင့် အနာဂတ်မ ရေမရာဖြစ်လာသည့် ဘရာဇီးလ်တိုက်စစ်မှူး ဂျေးဇူးကို ခေါ်ယူရန် အာဆင်နယ်အသင်းက ကြိုးပမ်းနေကြောင်း သိရသည်။
ဂျေးဇူးသည် ဝက်ဖို့ဒ်နှင့်ပွဲတွင် (၄)ဂိုးသွင်းယူကာ ပရီးမီးယားလိဂ်၌ ပထမဆုံးဟက်ထရစ် သွင်းယူနိုင်ခဲ့သော်လည်း ဂွါဒီယိုလာ၏ အနာဂတ်စီမံကိန်းများတွင် ပါဝင်ခြင်းမရှိတော့ဟု သတင်းထွက်နေသည်။
ဂွါဒီယိုလာသည် ဒေါ့မွန်တိုက်စစ်မှူး ဟော်လန်းကို ခေါ်ယူနိုင်ခဲ့ပါက ဂျေးဇူးကို ရောင်းထုတ်တော့မည်ဟု မီဒီယာအချို့ကလည်း ထင်ကြေးပေးဖော်ပြနေကြသည်။
ဂျေးဇူး(၂၅ နှစ်)သည် မန်စီးတီးအသင်းနှင့် ၂၀၂၃ ခုနှစ်တွင် စာချုပ်သက်တမ်းကုန်ဆုံးမည်ဖြစ်ပြီး အာဆင်နယ်အသင်း၏ နည်းစနစ်ဒါရိုက်တာ အီဒူးက ၎င်းနှင့် ဆွေးနွေးနေပြီဟု သိရသည်။
