လီဗာပူး ၂-၀ မန်စီးတီး (ပွဲပြီးရလဒ်)
အခုအန်ဖီးလ်ကွင်းပွဲစဉ်တလျှောက်လုံး အိမ်ရှင်လီဗာပူးက ဧည့်သည်မန်စီးတီးကို အဖက်ဖက်မှအသာစီးရရှိအောင် ကစားသွားနိုင်ခဲ့ပါတယ်။ လီဗာပူးကစားသမားတွေရဲ့အခွင့်အရေးအသုံးချနိုင်စွမ်းသာ ပိုမိုမြင့်မားခဲ့မယ်ဆိုရင် ဒီထက်ပိုပြီး သွင်းဂိုးတွေ မြင်တွေ့သွားရနိုင်ပါတယ်။ အခုပွဲစဉ်အတွက် အဆုံးအဖြတ်ဂိုးတွေကို ပထမပိုင်းပွဲချိန်မှာ ဂတ်ပို၊ ဒုတိယပိုင်းပွဲချိန်မှာ ပင်နယ်တီမှတဆင့် မိုဆာလက်က သွင်းယူခဲ့ကြပါတယ်။ အခုပွဲစဉ်ရလဒ်ပိုင်းနဲ့အတူ လီဗာပူးက အနီးဆုံးပြိုင်ဘက်အာဆင်နယ်ထက် ၉ မှတ်အသာဖြင့် အမှတ်ပေးဇယားထိပ်ဆုံးနေရာမှာ ပြတ်ပြတ်သားသားရပ်တည်နိုင်ခဲ့ပါတယ်။
