ကမ္ဘာ့ဖလားပြိုင်ပွဲတွင် ချန်ပီယံ အာဂျင်တီးနားအသင်း၌ ခြေစွမ်းပြခဲ့သည့် ဘရိုက်တန်ကွင်းလယ်ကစားသမား မက် အယ်လစ္စတာကို ခေါ်ယူရန် အာဆင်နယ်နှင့် အက်သလက်တီကိုအသင်းတို့ စိတ်ဝင်စားနေကြောင်း သိရသည်။
မက်အယ်လစ္စတာသည် ဘရိုက်တန်အသင်းနှင့် ၂၀၂၅ ခုနှစ်အထိ စာချုပ်ချုပ်ဆိုထားသလို တစ်နှစ်သက်တမ်းတိုးနိုင်သည့် သဘောတူညီမှုလည်း ရယူထားသည်။
သို့သော် ကမ္ဘာ့ဖလားတွင် ခြေစွမ်းပြနိုင်ခဲ့သောကြောင့် လာမည့်ဇန်နဝါရီအပြောင်းအရွှေ့တွင် ၎င်းအတွက် ကမ်းလှမ်းမှုများစွာ ရောက်လာဖွယ်ရှိကြောင်း သိရသည်။
ဘရိုက်တန်အသင်းသည် မက်အယ်လစ္စတာကို လက်လွှတ်လိုခြင်းမရှိသော်လည်း မြင့်မားသည့် ပြောင်းရွှေ့ကြေးဖြင့် ကမ်းလှမ်းလာပါက လက်ခံဖွယ်ရှိနေကြောင်းလည်း ဗြိတိန်မီဒီယာများက ဖော်ပြနေကြသည်။