PSG အသင်းသည် အာဂျင်တီးနားတိုက် စစ်မှူး မက်ဆီကို တစ်နှစ်သက်တမ်းတိုးရန် လိုလားနေကြောင်း သိရသည်။
PSG အသင်းသည် မက်ဆီ(၃၅ နှစ်)ကို ပြီးခဲ့သည့်နွေရာသီက (၂)နှစ်စာချုပ်ဖြင့် ခေါ်ယူခဲ့ပြီး တစ်နှစ်ထပ်မံသက်တမ်းတိုးနိုင်သည့် သဘောတူညီမှုလည်း ရယူထားခဲ့သည်။
မက်ဆီသည် PSG အသင်းတွင် ပြီးခဲ့သည့်ရာသီက ပြိုင်ပွဲစုံ(၁၁)ဂိုးသာ သွင်းယူနိုင်ခဲ့ပြီး ၎င်း၏ကစား သမားဘဝတစ်လျှောက် နောက်ဆုံး(၁၅)နှစ်တာကာလအတွင်း အဆိုးရွားဆုံးဂိုးသွင်းနှုန်းဖြစ်ခဲ့သော်လည်း PSG အသင်းတာဝန်ရှိသူများက သက်တမ်းတိုးရန် လိုလားနေခြင်းဖြစ်ကြောင်း သိရသည်။
PSG အသင်းသည် ၂၀၂၃ ခုနှစ်တွင် စာချုပ်သက်တမ်းကုန်ဆုံးမည့် မက်ဆီကို ၂၀၂၄ ခုနှစ်အထိ သက်တမ်းတိုးရန် လိုလားနေခြင်းဖြစ်ပြီး လာမည့်ရာသီသစ်မစတင်မီ စာချုပ်ချုပ်ဆိုနိုင်ရန် ဆန္ဒရှိနေကြောင်းလည်း သိရသည်။
ယင်းအတွက် မက်ဆီကို တရားဝင်အသိပေးကမ်းလှမ်းထားပြီးဖြစ်ကြောင်းလည်း သိရသည်။ သို့သော် မက်ဆီက ၂၀၂၂ ကမ္ဘာ့ဖလားပြိုင်ပွဲပြီးမှသာ ၎င်း၏ အနာဂတ်အတွက် အဆုံးအဖြတ်ပြုလုပ်ဖွယ်ရှိကြောင်း Marca က ဖော်ပြခဲ့သည်။
