ဘာစီလိုနာအသင်းနှင့် စာချုပ်သက်တမ်းကုန်ဆုံးပြီးနောက် မက်ဆီ တစ်နေ့ဝင်ငွေ ယူရို(၁၀၀၀၀၀) ဆုံးရှုံးနေဟု ပြင်သစ်သတင်းစာ L’Equipe ဖော်ပြ

ဘာစီလိုနာအသင်းခေါင်းဆောင် မက်ဆီသည် အသင်းနှင့် စာချုပ်သက်တမ်းကုန်ုဆုံးပြီးနောက် တစ်နေ့ဝင်ငွေဆုံးရှုံးမှုမှာ ယူရို(၁၀၀၀၀၀)အထိရှိနေကြောင်း ပြင်သစ်သတင်းစာ L’Equipe က ဖော်ပြခဲ့သည်။ အာဂျင်တီးနားတိုက်စစ်မှူး မက်ဆီသည် ပြီးခဲ့သည့် ဇွန်လ (၃၀)ရက် တွင် ဘာစီလိုနာအသင်းနှင့် စာချုပ်သက်တမ်းကုန်ဆုံးခဲ့ပြီးနောက် အသင်းလက်မဲ့ဖြစ်နေသူဖြစ်သည်။

အသက် (၃၄)နှစ်အရွယ်ရှိ မက်ဆီသည် ၎င်း၏အနာဂတ်နှင့်ပတ်သက်ပြီး ဆုံးဖြတ်ရခြင်းမရှိသေးသော်လည်း ဘာစီလိုနာဥက္ကဋ္ဌ လာပေါ်တာကမူ ဘဏ္ဍာရေးအခက်အခဲများရှိနေသည့်ကြားမှ မက်ဆီကို စာချုပ်သစ်ချုပ် ဆိုနိုင်မည်ဟု ယုံကြည်ကြောင်း ပြောကြားထားသည်။

သို့ သော် ကြွေးမြီ (၁.၂)ဘီလီယံအထိ တင်ရှိနေသည့် ဘာစီလိုနာအသင်းအနေဖြင့် မက်ဆီကို အသင်းတွင် ဆက်ထိန်း ရန်ခက်ခဲနိုင်သည်ဟု သုံးသပ်မှုများ ရှိနေသည်။ မက်ဆီ အနေဖြင့် ဘာစီလိုနာအသင်းနှင့် စာချုပ်သစ်ချုပ်ဆိုနိုင် ခြင်းမရှိသေးသည့်အတွက် တစ်နေ့ဝင်ငွေ ယူရို (၁၀၀၀၀၀)အထိ ဆုံးရှုံးနေကြောင်း ပြင်သစ်သတင်းစာ L’Equipe က ဖော်ပြခဲ့ခြင်းဖြစ်သည်။

မက်ဆီသည် ဘာစီလိုနာအသင်းတွင် ဆုကြေးများ အပါအဝင် တစ်နှစ်လစာ ယူရို (၁၃၉)သန်းအထိ ရရှိနေ သူဖြစ်ပြီး လက်ရှိအနေအထားအရ ဘာစီလိုနာအသင်း နှင့် စာချုပ်သစ်ချုပ်ဆိုမည်ပါက လစာကို သိသိသာသာ လျှော့ယူရဖွယ်ရှိနေကြောင်း သိရှိရသည်။ လာလီဂါတွင် ဘဏ္ဍာရေးသာတူညီမျှစည်းမျဉ်း(FFP) ကဲ့သို့ ပြိုင်ပွဲ ဝင်အသင်းများကို လစာနှုန်းထားကန့်သတ်ချက် သတ် မှတ်ထားကြောင်း သိရှိရသည်။

ကတ်တလန်ရေဒီယို RAC1 ၏ထုတ်လွှင့်မှုအရ ဘာစီလိုနာအသင်းသည် ပြီး ခဲ့သည့် ၂၀၂၀-၂၁ ရာသီက အသင်းကစားသမားများကို ပေးချေရသည့် တစ်နှစ်လစာမှာ ယူရို (၃၄၇)သန်းအထိ ရှိခဲ့ပြီး လာမည့် ၂၀၂၁-၂၂ ရာသီတွင် ယင်းလစာနှုန်းထားကို ယူရိုသန်း (၁၆၀)သို့ လျှော့ချရမည်ဖြစ်ကြောင်း သိရသည်။

ထို့ကြောင့် ဘာစီလိုနာအသင်းသည် မက်ဆီကို အ သင်းတွင် ဆက်ထိန်းနိုင်ရေးအတွက် လစာငွေများစွာ ပေး ချေနေရသည့် ဂရီးဇ်မန်း၊ ကော်တင်ဟို၊ အမ်တီတီတို့ကို ရောင်းထုတ်ရန် စီစဉ်နေကြောင်း သိရသည်။ ဘာစီလိုနာ တာဝန်ရှိသူများသည် မက်ဆီကို အသင်းတွင် ဆက်ထိန်းနိုင်ရန် အစွမ်းကုန်ကြိုးစားနေကြောင်းလည်း သိရှိရသည်။