ဘာစီလိုနာအသင်းဟာ ယခုရာသီအစောပိုင်းတွင် မာ့ခ်အန်ဒရေ တာစတီဂန် ဒူးဆစ်ဒဏ်ရာပြင်းထန်စွာရရှိမှုကြောင့် ကြီးမားတဲ့ ထိခိုက်မှုတစ်ခုကို ရှိခဲ့တာပါ။သူဟာ စက်တင်ဘာလက ဗီလာရီးရဲလ်ကို ၅-၁ ဂိုးဖြင့် အနိုင်ရခဲ့တဲ့ ပွဲတွင် ဒဏ်ရာရရှိခဲ့တာဖြစ်ပါတယ်။ ထိုအခြေအနေကြောင့် ဟန်စီဖလစ်ဟာ သူရဲ့ အဓိက ဂိုးသမားနှင့် အသင်းခေါင်းဆောင်ကို အချိန်ကြာရှည်စွာ ဆုံးရှုံးခဲ့ရပြီး ဂျာမန်လက်ရွေးစင် ဂိုးသမားဟာ ယခုရာသီတွင် နောက်ထပ်ကစားနိုင်မှာ မဟုတ်ဘူးလို့ တော်တော်တော်များများက ထင်ခဲ့တာပါ။
တာစတီဂန် မကစားနိုင်ခြင်းကြောင့် ဆက်ဇနီကို အစားထိုးခေါ်ယူခဲ့ရပြီး ပီနာနောက်မှ စတင်ခဲ့ရသော်လည်း လွန်ခဲ့တဲ့ ရက်သတ္တပတ်အနည်းငယ်အတွင်းမှာ သူက အဓိက ဂိုးသမားအဖြစ် တာဝန်ယူခဲ့ပါတယ်။ သို့သော် ပိုလန်နိုင်ငံသားဝါရင့်ဂိုးသမားဟာ ယခုရာသီနှောင်းပိုင်းတွင် သူ့ရဲ့နေရာကို ဆုံးရှုံးနိုင်ပါတယ်။အဘယ်ကြောင့်ဆိုသော် တာစတီဂန်က ရာသီအနှောင်းပိုင်း ပွဲစဉ်များတွင် ပြန်လည်ပါဝင်ရန် ရည်မှန်းထားတာဖြစ်ပြီး ထိုသတင်းကို Sport က ထုတ်ပြန်ထားပါတယ်။ အသက် ၃၂ နှစ်အရွယ် ဂိုးသမားရဲ့ ပြန်လည်သက်သာမှုက မျှော်မှန်းထားသည်ထက် ပိုမိုကောင်းမွန်နေပြီး နောက်ဆုံးကျန်းမာရေးစစ်ဆေးမှုများအရ သူဟာ မျှော်မှန်းထားတဲ့အချိန်မတိုင်မီ ပြန်လည်ကောင်းမွန်လာနေကြောင်း အတည်ပြုခဲ့ပါတယ်။
ယခုရက်သတ္တပတ်အစောပိုင်းတုန်းက ဖလစ်ဟာ တာစတီဂန်ရဲ့ ပြန်လည်သက်သာမှုအခြေအနေကို ပြောကြားခဲ့ပြီး ဂိုးသမားက မေလတွင် ပြန်လည်ကစားနိုင်မယ်လို့ ယုံကြည်ကြောင်း နည်းပြအဖွဲ့ကို အသိပေးခဲ့ပါတယ်။ ထိုအချိန်က ဘာစီလိုနာအတွက် အရေးကြီးသော အချိန်ဖြစ်လာမှာဖြစ်ပြီး လာလီဂါနှင့် ချန်ပီယံလိဂ်ပွဲစဉ်တို့တွင် ယှဉ်ပြိုင်နိုင်ရန် မျှော်လင့်ထားပါတယ်။ ဘာစီလိုနာအသင်းဟာ ယခုရာသီတွင် ဂိုးအများအပြားပေးထားရတဲ့ ပြဿနာကို ရင်ဆိုင်နေရသော်လည်း၊ ထိုအခြေအနေဟာ ဖလစ်ရဲ့ တိုက်စစ်အားမြင့်မားတဲ့ ကစားဟန်ကြောင့် ဖြစ်နိုင်ပါတယ်။ ဆက်ဇနီဟာ လွန်ခဲ့တဲ့ ရက်သတ္တပတ်အနည်းငယ်အတွင်း အမှားများစွာ လုပ်မိခဲ့ပြီး တာစတီဂန်က ရာသီအဆုံးမတိုင်မီ ပြန်လည်ကစားနိုင်ပါက ဂိုးသမားနေရာကို ချက်ချင်းပြန်လည်ရယူနိုင်မည့် အခွင့်အလမ်းများ ရှိနေပါတယ်။
သို့သော် တာစတီဂန်က ပြန်လည်ကျန်းမာလာသည့်တိုင် ယခုရာသီတွင် ဘာစီလိုနာအသင်းအတွက် နောက်ထပ်မကစားနိုင်ဖို့ ဖြစ်နိုင်ချေရှိနေပါတယ်။ ရာသီရဲ့ အရေးကြီးသော အချိန်ကာလတွင် ၈ လကြာ အနားယူနေရသူတစ်ဦးကို ကစားခိုင်းဖို့ဆိုတာက အန္တရာယ်များပြီး ဖလစ်ကလည်း ဒီအချက်ကို သတိပြုမိမှာ ဖြစ်ပါတယ်။
