၂၀၂၃ နှစ်သစ်က ဇာဗီနဲ့ ဘာစီလိုနာကို စိန်ခေါ်မှုတွေနဲ့ စပြီးဆီးကြိုနေတယ်။ ဇာဗီကတော့ ဒီရာသီသူတို့အသင်းရဲ့ အဓိကရည်မှန်းချက်ပန်းတိုင်က လာလီဂါချန်ပီယံဆု အရယူပြနိုင်ရေးလို့ ဆိုထားတယ်။ ဒါပေမဲ့ ဘာစီလိုနာရဲ့ ရည်မှန်းချက်ဆီသွားရာခရီးက ကော်ဇောနီခင်းမပေးထားခဲ့ဘူး။ ကမ္ဘာ့ဖလားပြိုင်ပွဲအပြီး လာလီဂါပြန်စချိန်ကစလို့ ဘာစီလိုနာအတွက် ချန်ပီယံဖြစ်ရေးရည်မှန်းချက်က အခက်အခဲတွေအများကြီးကို အရင်ကျော်ဖြတ်ရမယ့်အခြေအနေဖြစ်နေတယ်။ ဇာဗီရဲ့လာလီဂါချန်ပီယံဆုရည်မှန်းချက်က ထိုက်တန်မှုရှိ၊ မရှိကို စပြီးအစမ်းသပ်ခံရတော့မယ့်အချိန်လို့လည်း ဆိုရပါမယ်။
