ဂျပန်ကလပ် ဗစ်ဆဲကိုဘေအသင်းတွင် ကစားနေသည့် စပိန်ဝါရင့်ကွင်းလယ်လူ အင်နီယေစတာက မိမိအနေဖြင့် ဘာစီလိုနာအသင်းသို့ပြန်လာမည်ဖြစ်သော်လည်း နည်းပြ ဇာဗီနှင့်လက်တွဲ ပြီး အလုပ်လုပ်ရန်ခက်ခဲနိုင်ကြောင်း ပြောကြားခဲ့သည်။
အင်နီယေစတာသည် ဗစ်ဆဲကိုဘေအသင်းနှင့် ၂၀၂၄ ခုနှစ်အထိ စာချုပ်သက်တမ်းရှိနေပြီး ကစားသမားဘဝမှ အနားယူချိန်မှသာ ဘာစီလိုနာအသင်းသို့ ရာထူးတစ်ခုခုဖြင့် ပြန်လာရန်စီစဉ်နေခြင်းဖြစ်သည်။
အင်နီယေစတာက ”ကျွန်တော်ရော ဇာဗီရောက အသင်းနိုင်တာကို လိုချင်တာပါ။ ဒီတော့ ဇာဗီ-အင်နီယေစတာဖြစ်ဖြစ် ဘယ်သူနြဲ့့ဖစ်ဖြစ် အလုပ်လုပ်လို့ ရပါတယ်။ ဒါပေမဲ့ ဘာစီလိုနာမှာ ဇာဗီနဲ့ လက်တွဲပြီး အလုပ်လုပ်ဖို့ ခက်ခဲနိုင်တယ်လို့ ထင်ပါတယ်။ ဘာလို့လဲဆိုတော့ ကျွန်တော့်အနေနဲ့ ဘယ်အချိန်မှာ ဘာစီလိုနာကို ပြန်လာမလဲ မသိသေးသလို၊ ကျွန်တော် ပြန်လာချိန်မှာ ဇာဗီ ဆက်ရှိ၊ မရှိဆိုတာကလည်း မသေချာပါဘူး”ဟု ပြောကြားခဲ့သည်။
