မန်ချက် စတာ ယူနိုက်တက် အသင်း ချန်ပီယံ လိဂ် ကနေ ထွက်ခွာ သွားပေမယ့် ကွင်းလယ် ကစား သမား ဘရူနို ဖာနန်ဒက်စ် ကတော့ အုပ်စု အဆင့် ရဲ့ နေရာ အလိုက် အကောင်းဆုံး ကစား သမား ၁၁ ယောက် စာရင်း ကို ပါဝင် နိုင်ခဲ့ ပါတယ် ။ ပေါ်တူဂီ ကွင်းလယ်လူ ဟာ အုပ်စု ပွဲစဉ် ၆ ပွဲ စလုံး မှာ ပါဝင် ကစား ခဲ့ပြီး ပွဲတိုင်း မှာ ပုံစံ ကောင်းပြသ နိုင်ခဲ့ တာကြောင့် အခုလို စာရင်းမှာ ပါဝင် နိုင် ခဲ့ တာပဲ ဖြစ် ပါတယ် ။
ဘောလုံး ပွဲတွေ ၊ ကစား သမား တစ်ဦးချင်းစီ ရဲ့ အချက် အလက်တွေ ကို မှတ်သား ဖော်ပြ လေ့ ရှိတဲ့ Whoscored သတင်း ဌာန ဟာ ချန်ပီယံ လိဂ် အုပ်စု ပွဲစဉ် ၆ ပွဲ က ကစား သမားတွေ ရဲ့ Rating တွေကို နှိုင်းယှဉ် ပြီး အကောင်းဆုံး ၁၁ ယောက် ကို ထုတ်ဖော် ပြသခဲ့ ပါတယ် ။
ဒီစာရင်း မှာ ရှုံးထွက် အဆင့်ကို တက်ရောက် တဲ့ အသင်းက ကစား သမားတွေ ပါဝင်ခဲ့ သလို ဘရူနို ဖာနန်ဒက်စ် တို့လိုမျိုး နောက်တစ်ဆင့် မတတ်တဲ့ အသင်းက လူလည်း ပါဝင် လာခဲ့ ကြတာကို တွေ့ရှိ ခဲ့ရ ပါတယ် ။
အဲ့ဒိ အကောင်းဆုံး ၁၁ ယောက် ကတော့ . . . . .
ဂိုး – မန်နျူရယ် နျူအာ ( ဘိုင်ယန် မြုးနစ် ) Rating – 7.5
အသက်ကြီး လာပေမယ့် ဘိုင်ယန် ဂိုးသမားကြီး နူအာ ကတော့ မပျက်စီး သေးတဲ့ လက်စွမ်းတွေနဲ့ ရှေ့ဆက် နေပါတယ် ။ မနှစ်က ဘိုင်ယန် ကို ဖလား ၃ လုံး ရစေတဲ့ လက်တွေဟာ ဒီနှစ် မှာလည်း အကောင်းဆုံး အဆင့်မှာ ရှိနေဆဲဖြစ်ကာ သူပါဝင် တဲ့ အုပ်စု ၅ ပွဲမှာ ၄ ဂိုးသာ ပေးခဲ့ရပြီး Clean Sheet ၂ ပွဲ ရယူ ပေးနိုင်ခဲ့ ပါတယ် ။
နောက်တန်း – အဲလက်စ် ဆန်ဒရို ( ယူဗင်တပ် ) – Rating – 8.3
ယူဗင်တပ် ရဲ့ ဘရာဇီး နောက်ခံလူ ဆန်ဒရို ဟာ အသင်းရဲ့ ချန်ပီယံလိဂ် အုပ်စု ၃ ပွဲမှာ ပါဝင် ကစားခဲ့ပြီး သူပါတဲ့ ၃ ပွဲမှာ ယူဗင်တပ် တို့ ၁ ဂိုးသာ ပေးခဲ့ရ ပါတယ် ။ ဒါ့အပြင် တိုက်စစ် အားသန်တဲ့ နောက်ခံလူ ဟာ ဒိုင်နမို ကိဗ် နဲ့ ပွဲမှာ ဖန်တီးမှု တစ်ကြိမ်လည်း ပြုလုပ် နိုင်ခဲ့ ပါတယ် ။
နောက်တန်း – နိကလပ်ဆူးလ် ( ဘိုင်ယန်မြုးနစ် ) – Rating 7.6
ဘိုင်ယန်မြူးနစ် ရဲ့ ခံစစ် အကြောင်း ချီးကျုးမယ် ဆိုရင် နူအာ နဲ့ မပြည့်စုံ နိုင်ပါဘူး ။ ဘိုင်ယန် ဟာ နီကလပ်ဆူးလ် ပါဝင်တဲ့ ၄ ပွဲမှာ ၂ ဂိုးသာ ပေးခဲ့ရပြီး ခံစစ်မှူး ကိုယ်တိုင် လိုကို မိုးတစ် မော်စကို နဲ့ ပွဲမှာ ဂိုးသွင်း ယူနိုင်ခဲ့ ပါတယ် ။
နောက်တန်း – ခရစ်ရှန် ရိုမဲရိုး ( အတ္တလန်တာ ) – Rating – 8.2
ရိုမဲရိုး ဟာ အတ္တလန်တာ ရဲ့ ချန်ပီယံလိဂ် အုပ်စု ပွဲစဉ် ၅ ပွဲမှာ ပါဝင် ကစားခဲ့ပြီး ပွဲတိုင်းမှာ ပုံစံ ကောင်း ပြသ နိုင်ခဲ့ ပါတယ် ။ ဒီ ၅ ပွဲစလုံး မှာ အတ္တလန်တာ တို့ အရှုံး ကို မကြုံတွေ့ခဲ့ ပါဘူး ။ ပေးဂိုး ၃ ဂိုးသာ ရှိခဲ့ပြီး ရိုမဲရိုးက တော့ ကိုယ်တိုင် ၁ ဂိုးသွင်းကာ ၁ ဂိုး ဖန်တီး ပေးနိုင်ခဲ့ ပါတယ် ။
နောက်တန်း – ဟွမ် ကွာဒရာဒို ( ယူဗင်တပ် ) – Rating – 7.5
ယူဗင်တပ် တို့ အုပ်စု ဗိုလ်နဲ့ နောက်တစ်ဆင့် တက်ခဲ့ သလို ယူဗင်တပ် နောက်ခံလူ ၂ ဦး ဟာလည်း အကောင်းဆုံး ၁၁ ယောက်ထဲ ပါဝင် ခဲ့ ပါတယ် ။ ကွင်းလယ် တောင်ပံ သမား အဖြစ် နဲ့ စတင်ခဲ့တဲ့ ကွာဒရာဒို ဟာ Wing-back ဘ၀ မှာ ပိုမို ကောင်းမွန်သူ ဖြစ်လာခဲ့ ပါတယ် ။ အုပ်စု ၅ ပွဲ မှာ ဝင်ကစားပြီး ဖန်တီးမှု ၅ ကြိမ် ပြုလုပ် ထားနိုင်တာ ကတော့ ကွာဒရာဒို ကို မချီးကျုးဘဲ မနေနိုင်အောင် ပါပဲ ။
ကွင်းလယ် – နေမာ ( PSG ) – Rating – 8.1
မနှစ် က PSG ချန်ပီယံလိဂ် ဖိုင်နယ် တက်ရေးမှာ အဓိက ကျခဲ့တဲ့ နေမာ တစ်ယောက် ဒီနှစ် မှာလည်း အသင်းရဲ့ အဓိက ကစား သမား အဖြစ် ဆက်လက် ရှိနေခဲ့ ပါတယ် ။ အစ္စတန်ဘူ ဘာဆက်ဆီဟာ ဘက်ကို ဟက်ထရစ် သွင်းယူ ခဲ့မှု အပါအဝင် အုပ်စု အဆင့်မှာ ၆ ဂိုး သွင်းယူပေး ခဲ့ကာ Man of the Match ၃ ကြိမ် ရရှိခဲ့ ပါတယ် ။
ကွင်းလယ် – ဂျိူရှူအာ ကင်မစ်ချ် ( ဘိုင်ယန် မြူးနစ် ) – Rating – 8.5
UEFA ရဲ့ တစ်နှစ်တာ အကောင်းဆုံး နောက်တန်း ကစား သမား ဆုကို ရရှိ ခဲ့တဲ့ ကင်မစ်ချ် ဟာ ဒီနှစ် မှာလည်း ဘိုင်ယန် ရဲ့ အသက်သွေးကြော အဖြစ် ရှိနေ ခဲ့ ပါတယ် ။ အုပ်စု ၃ ပွဲသာ ဝင် ကစား ခဲ့ပေမယ့် ကင်မစ်ချ် ဟာ ကိုယ်တိုင် ၁ ဂိုးသွင်းပြီး အသင်းဖော်တွေ ကို ၃ ကြိမ် ဖန်တီးမှု ပြုလုပ် ပေးနိုင် ခဲ့ ပါတယ် ။
ကွင်းလယ် – ဘရူနို ဖာနန်ဒက်စ် ( မန်ချက်စတာ ယူနိုက်တက် ) – Rating – 7.5
ဒီစာရင်းထဲ မှာ ဘရူနို ဖာနန်ဒက်စ် ဟာ ရှုံးထွက် အဆင့်ကို မတက် ရောက်နိုင်တဲ့ တစ်ဦး တည်းသော ကစား သမားပါပဲ ။ ဒီလို ပါဝင် နိုင်အောင်လည်း ဖာနန်ဒက်စ် ဟာ ၄ ဂိုး သွင်းပြီး ဖန်တီးမှု ၁ ကြိမ် ပြုလုပ် ပေးထား ခဲ့ ပါတယ် ။
ရှေ့တန်း – လီယွန်နယ် မက်ဆီ ( ဘာစီလိုနာ ) – Rating – 8.9
အုပ်စု အဆင့် ၁၁ ယောက် ထဲ မှာတော့ မက်ဆီ ရဲ့ Rating က အကောင်းဆုံး ဖြစ်ခဲ့ ပါတယ် ။ ဘာစီလိုနာ ရဲ့ ချန်ပီယံလိဂ် အုပ်စု ၆ ပွဲမှာ ၄ ပွဲသာ ဝင် ကစား ခဲ့ပေမယ့် ၃ ဂိုးသွင်း ၊ ၂ ဂိုး ဖန်တီးပြီး ပွဲတိုင်းမှာ Man of the Match ဖြစ်ခဲ့ ပါတယ် ။ မက်ဆီ ကတော့ မက်ဆီ အဖြစ် ဆက်ရှိ နေ ဆဲပါလို့ ပြောရမှာပါပဲ ။
ရှေ့တန်း – ခရစ္စတီယာနို ရိုနယ်ဒို ( ယူဗင်တပ် ) – Rating – 8.1
ချန်ပီယံလိဂ် အကြောင်း ပြောကြရင် မက်ဆီ မပါဘဲ မပြီးသလို ရိုနယ်ဒို မပါဘဲ နဲ့လည်း မပြီး နိုင်ပါဘူး ။ အသက် ၃၅ နှစ် ထဲ ရောက် နေပြီ ဖြစ်ပေမယ့် ပေါ်တူဂီ သားကြီး ရဲ့ စွမ်းဆောင်ရည် တွေကတော့ ထိပ်တန်း အဆင့် မှာ ရှိလို့ နေပါသေးတယ် ။ ဘာစီလိုနာ ဘက်ကို သွင်းခဲ့တဲ့ ၂ ဂိုး အပါအဝင် ချန်ပီယံလိဂ် ၄ ပွဲမှာ ၄ ဂိုး သွင်းယူ ခဲ့ပါတယ် ။
ရှေ့တန်း – အာလင်း ဟာလန်း ( ဒေါ့မွန် ) – Rating – 8.3
အနာဂါတ် ရဲ့ ဂိုးသွင်းစက် လို့ နာမည်ကျော် နေတဲ့ ဒေါ့မွန် တိုက်စစ်မှူးလေး ဟာလန်း ကလည်း ဒီစာရင်း မှာ GOAT ၂ ဦး နဲ့ အတူ ပါဝင် လာခဲ့ပ ါတယ် ။ ဒေါ့မွန် အတွက် အုပ်စု ၄ ပွဲ ဝင်ကစားပြီး ၆ ဂိုး သွင်းပေး ခဲ့တဲ့ ဟာလန်း တစ်ယောက် ရှုံးထွက် အဆင့် မှာလည်း ဂိုးတွေ ထပ်သွင်းဖို့ အားခဲ နေဦးမှာ အသေအချာပါပဲ . . .
UCL Group Stage XI
နူအာ
ကွာဒရာဒို ၊ ရိုမဲရိုး ၊ ဆူးလ် ၊ ဆန်ဒရို
ဖာနန်ဒက်စ် ၊ ကင်မစ်ချ် ၊ နေမာ
မက်ဆီ ၊ ဟာလန်း ၊ ရိုနယ်ဒို
