ပရီးမီးယားလိဂ်ထိပ်သီးများဖြစ်သည့် ချယ်လ်ဆီးနှင့် အာဆင်နယ်အသင်းတို့သည် ဘရန့်ဖို့ဒ်တိုက်စစ်မှူး တိုနေးအား ခေါ်ယူရန် အပြိုင်လိုက်နေကြောင်း သိရသည်။
အင်္ဂလန်တိုက်စစ်မှူး တိုနေး(၂၇ နှစ်)သည် လက်ရှိတွင် လောင်းကစားစည်းမျဉ်းချိုးဖောက်မှုကြောင့် ပွဲပယ်ပြစ်ဒဏ်ကျခံနေရပြီး ဇန်နဝါရီ (၁၈)ရက်တွင်မှ ပြန်ကစားနိုင်မည်ဖြစ်သည်။
ဘရန့်ဖို့ဒ်အသင်းသည် တိုနေးအား ရောင်းချလိုခြင်းမရှိသော်လည်း ကစားသမား၏ဆန္ဒကိုမူ တားဖွယ်မရှိကြောင်း သိရှိရသည်။ ထို့ပြင် ဘရန့်ဖို့ဒ်အသင်းနှင့်ချုပ်ဆိုထားသည့် တိုနေး၏လက်ရှိစာချုပ်မှာ ၂၀၂၅ ခုနှစ်တွင်မှ ကုန်ဆုံးမည်ဖြစ်သည်။
ဘရန့်ဖို့ဒ်အသင်းသည် အသင်းကြီးများအလိုရှိနေသည့် တိုက်စစ်မှူး တိုနေးအတွက် ပြောင်းရွှေ့ကြေး ပေါင်သန်း (၈၀)အထိ အလိုရှိနေကြောင်း သိရသည်။
