စီးရီးအေထိပ်တန်းကလပ်အသင်းတစ်သင်းဖြစ်သည့် ရိုးမားအသင်းသည် ဘဏ္ဍာရေးပြဿနာကို ဖြေရှင်းရန်အတွက် ရှင်းထုတ်ရမည့် ကစားသမားအရေအတွက်မှာ (၂၃)ဦးအထိ ရှိနေသည်ဟု အီတလီမီဒီယာများက ဖော်ပြလျက်ရှိသည်။
ရိုးမားအသင်း၏ နည်းပြသစ်ဖြစ်သူ မော်ရင်ဟိုသည် လာမည့်ရာသီတွင် အသင်းကို အားဖြည့်မှုများ ပြုလုပ်ရန် ခက်ခဲမည်ဖြစ်သလို၊ အသင်းတွင် ရှိနေပြီးသား ကစားသမားတော်တော်များများကိုလည်း ဆုံးရှုံးရမည် ဖြစ်သည်။
ရိုးမားအသင်း၏ အားကစားဒါရိုက်တာဖြစ်သူ တီယာဂိုပင်တိုအတွက်လည်း အလုပ်များမည့် အပြောင်းအရွှေ့စျေးကွက်ဖြစ်လာမည်ဖြစ်ပြီး ခေါ်ယူမည့်အသင်းများကို ရှာဖွေရန်ကြိုးပမ်းရမည့် အခြေအနေဖြစ်နေသည်။
သို့ရာတွင် ပင်တိုအတွက် အဓိကအခက်အခဲမှာ ရိုးမားအသင်း ရောင်းထုတ်လိုသူများထဲတွင် အချို့မှာ အသင်းကြီးနှင့်အတူ လေ့ကျင့်ခန်းပင်မဆင်းတော့သည့် ကစားသမားများဖြစ်နေပြီး အချို့မှာလည်း စာချုပ်သက်တမ်းတစ်နှစ်သာ ကျန်ရှိတော့သူများဖြစ်သည်။
