မန်ယူအသင်းသည် ရီးယဲလ်အသင်းမှ ပြင်သစ်နောက်ခံလူ ဗာရန်းကို ခေါ်ယူရန် ကစားသမားနှင့် ပုဂ္ဂိုလ်ရေးဆိုင်ရာ သဘောတူညီမှု ရရှိခဲ့ပြီဖြစ်သော်လည်း ရီးယဲလ်ထံ ပထမဆုံးကမ်းလှမ်းမှုမှာမူ ပယ်ချခံခဲ့ရကြောင်း သိရသည်။
မန်ယူအသင်းသည် ဗာရန်းကို (၅)နှစ်စာချုပ်ချုပ်ဆိုရန်နှင့် တစ်နှစ်လစာယူရို(၁၂)သန်းအထိ ပေးချေရန် သဘောတူညီမှုရခဲ့ခြင်းဖြစ်ကြောင်း သိရသည်။
အဆိုပါလစာပမာဏမှာ ရီးယဲလ်တွင် လက်ရှိရရှိနေသော လစာနှုန်းထား၏ နှစ်ဆဖြစ်ပြီး ဗာရန်းအနေဖြင့် မန်ယူအသင်းသို့ ပြောင်းရွှေ့ကစားရန်အတွက် မူအားဖြင့် သဘောတူညီခဲ့သော်လည်း ရီးယဲလ်အသင်းနှင့် ဆက်ဆံရေးပျက်ပြားမည်ကို မလိုလားသောကြောင့် အသင်းနှစ်သင်း၏ ဆွေးနွေးမှုအဖြေကိုသာ စောင့်နေကြောင်း သိရသည်။
မန်ယူအသင်းသည် ဗာရန်းအတွက် ရီးယဲလ်အသင်းထံ ပြောင်းရွှေ့ကြေး ယူရိုသန်း(၄၀)နှင့် Add-ons ကြေး ယူရို(၅)သန်းပေးမည်ဟု ပထမဆုံးကမ်းလှမ်းမှုပြုလုပ်ခဲ့ရာ ရီးယဲလ်အသင်းက ပယ်ချခဲ့ကြောင်း သိရသည်။
ရီးယဲလ်အသင်းက ဗာရန်းအတွက် ယူရိုသန်း(၇၀)ဝန်းကျင် အလိုရှိနေသည်ဟု သိရသည်။
