ယူနိုက်တက် နည်းပြ ဆိုးလ်ရှား ကတော့ ဗီလာ ရီးယဲ အသင်းကို အနိုင် ကစားခဲ့တဲ့ ပွဲစဥ်အတွင်း ကွင်းလယ်လူ ဒွန်နီ ဗန်ဒီ ဘိခ် လူစားဝင် ကစားခွင့် မရရှိခဲ့တဲ့ အတွက် မကျေမနပ် ဖြစ်နေလိမ့်မယ်ဆိုတာ နားလည်ကြောင်း ပြောပြသွားခဲ့လိုက် ပါတယ် ။
ဆိုးလ်ရှားဟာ အဆိုပါ ပွဲစဥ်တုန်းက ဗန်ဒီ ဘိခ် ထက် ဖရက်ဒ် နဲ့ လင်ဂတ် တို့ကိုပဲ လူစားဝင် ကစားခွင့် ပေးခဲ့ပြီး အဆိုပါ ကစားသမား နှစ်ဦးဟာ ခရစ္စတီယာနို ရော်နယ်ဒိုရဲ့ အနိုင်ဂိုး ရရှိစေရေးမှာ အဓိက ကျသူတွေ ဖြစ်သွားနိုင်ခဲ့ကြ ပါတယ် ။
ဗန်ဒီ ဘိခ် ကတော့ ကွင်းဘေးမှာ သွေးပူ လေ့ကျင့်ခန်း လုပ်ရင်းနဲ့သာ အချိန်တွေ ကုန်ဆုံးသွားခဲ့ရတဲ့ အတွက် အသင်းဖော် နှစ်ဦးဖြစ်တဲ့ အဲရစ် ဘိုင်လီ နဲ့ ဒင်းန် ဟန်ဒါဆန် တို့ဟာ သူ့ကို နှစ်သိမ့်ပေးမှုတွေ ကိုယ်စီ လုပ်ဆောင်ခဲ့ကြပါသေးတယ် ။
ဗန်ဒီ ဘိခ်ဟာ အေဂျက်စ် မှ မန်ချက်စတာ ယူနိုက်တက် အသင်းဆီ ပြောင်းလာခဲ့တဲ့နောက်ပိုင်း အခုချိန်ထိ ပရီးမီးယားလိဂ် ပြိုင်ပွဲမှာ 4 ကြိမ်သာ ပွဲထွက်ကစားခွင့် ရရှိထား ခဲ့ပါသေးတယ် ။ ဒါ့အပြင် အသုံးပြုမခံရတဲ့ အရံလူ အဖြစ်် 24 ပွဲ ရှိနေခဲ့ရပါတယ် ။
ဒါ့ကြောင့် ဗန်ဒီ ဘိခ်ဟာ နွေတုန်းက ပရီးမီးယားလိဂ် ပြိုင်ဖက် အဲဗာတန် အသင်းဆီ ပြောင်းရွှေ့ဖို့ လုပ်ဆောင်ခဲ့တာပဲ ဖြစ်ပါတယ် ။ အဆိုပါ အပြောင်းအရွှေ့ဟာ ဖြစ််ပွားဖို့ အတော်လေး နီးစပ်ခဲ့သေးပေမဲ့ ဆိုးလ်ရှား က ပိတ်ပင်ခဲ့တဲ့ အတွက် မဖြစ်ခဲ့ရပါဘူး ။
” ခင်ဗျား သိလား ၊ ကျွန်တော်ဟာ လက်ရွေးစင် ကစား သမားတွေချည်း ပါဝင်နေတဲ့ အသင်းကို စီမံခန့်ခွဲနေရပါတယ် ။ သူတို့ဟာ ခြားနားချက်တွေကို လုပ်ဆောင်ပေးနိုင်တဲ့ ၊ ပွဲစဥ်တိုင်း ပွဲထွက် ကစားချင်ကြတဲ့ ကစားသမားတွေချည်းပါပဲ ။ သူတို့ အားလုံး ကွင်းထဲပဲ နေချင်ကြတယ််လေ ”
” အခြား ကစားသမားတွေလိုပဲ ဒွန်နီ လည်း လူစားဝင်ချင်ခဲ့ပါသေးတယ် ။ ကျွန်တော် ကိုယ်တိုင်က လက်ရှိ အသင််းမှာ ရှိနေတဲ့ ကစားသမား အားလုံးထက် ပိုပြီး လူစားဝင် ကစားသမား အဖြစ် ကစားခဲ့ဖူးသူပါ ။ ကျွန်တော်ဟာ စံချိန်တင် ပွဲအများကြီး ကစားခဲ့ရတဲ့ အရံလူပါပဲ ”
” ဒီလို ကစားရတဲ့ အနေအထားမှာ ခင်ဗျားတို့ အမြဲတမ်း အဆင်သင့် ရှိနေဖို့ လိုအပ်လှပါတယ် ။ ကျွန်တော် ကိုယ်တိုင််လည်း ဂိုးတွေ ခနခန သွင်းနေတဲ့ကြားက လူစားဝင် ကစားခွင့်သာ ရခဲ့တဲ့ အတွက် မပျော်မရွှင် ဖြစ်ခဲ့ရပါသေးတယ် ။ ဒါပေမဲ့ မန်နေဂျာ ရဲ့ ဆုံးဖြတ်ချက်ကို လေးစား လိုက်နာရမယ်လေ ”
” အဲလက်စ် ဘယ်တောင်ပံမှာ ကစားခဲ့ပြီး ဖရက်ဒ် နဲ့ ချိတ််ဆက်ပုံ ကောင်းမွန်ခဲ့ပါတယ် ။ သူတို့တွေ စိတ်ပျက်နေကြမယ်ဆိုတာ ကျွန်တော် ကောင်းကောင်း နားလည်ပါတယ်် ။ ကစားသမားတိုင်းက ပွဲထွက် ကစားခွင့် ရရှိဖို့ စိတ်အားထက်သန် နေကြသူတွေချည်းပဲလေ ”
” သူတို့ အနေနဲ့ ဒါတွေကို ခွန်အားအဖြစ် ထိန်းသိမ်းထားသင့်ပါတယ် ။ အဲ့တာပြီးရင် ပွဲကစားခွင့် ရရှိတဲ့ အချိန်မှာ ဘာတွေ လုပ်နိုင်လဲဆိုတာ ကျွန်တော့်ကို ပြသကြပေါ့ဗျာ ။ ဒွန်နီ တစ်ဦးထဲ မဟုတ်ပါဘူး ၊ ကစားသမား အားလုံးအတွက်် ဒါက အရေးကြီးပါတယ် ”
” ကျွန်တော်တို့ အောင်မြင်မှုကို ရချင်ရင်တော့ အပေါင်း လက္ခဏာဆောင်တဲ့ စွမ်းအင်တွေ ရှိနေဖို့ လိုအပ်ပါတယ် ။ ဒွန်နီဟာ သူ့ရဲ့ အသင်းဖော်တွေကို ဘယ်တော့မှ အနှုတ် လက္ခဏာဆောင်တဲ့ သက်ရောက်မှုတွေ မပေးဆောင်ခဲ့ဖူးပါဘူး ” လို့ ဆိုးလ်ရှား က ပြောကြား သွားခဲ့လိုက်ပါတယ် ။
