လီဗာပူးလ်အသင်းသည် ဘရာဇီးလ်တိုက်စစ်မှူး ဖေမီနိုအတွက် ဂျူဗင်တပ်စ်အသင်း၏ ကမ်းလှမ်းမှုကို ငြင်းပယ်ခဲ့ကြောင်း သိရသည်။
လီဗာပူးလ်အသင်းသည် ယခုနွေရာသီတွင် အသင်းတိုက်စစ်ကစားသမား မာနေကို ဘိုင်ယန်မြူးနစ်အသင်းထံ ရောင်းထုတ်ခဲ့ပြီး ဘင်ဖီကာအသင်းမှ ဥရုဂွေးတိုက်စစ်မှူး ဒါဝင်နူနက်ဇ်ကို ခေါ်ယူခဲ့သည်။
ထို့ပြင် ပြီးခဲ့သည့်ရာသီကတည်းက လူးဝစ်ဒီယက်ဇ်ကို ခေါ်ယူထားပြီး တိုက်စစ်ပိုင်း အပြောင်းအလဲပြုလုပ်ရန် စီစဉ်ထားသည့်အတွက် ဖေမီနိုက အသင်းမှထွက်ခွာရန် ဆန္ဒရှိနေကြောင်း သိရသည်။
သို့သော် ဂျူဗင်တပ်စ်အသင်း၏ ယူရို(၂၂.၅)သန်းဖြင့် ကမ်းလှမ်းမှု ကို လီဗာပူးလ်အသင်းက ပယ်ချခဲ့ကြောင်း Corriere dello Sport က ဖော်ပြခဲ့သည်။
လီဗာပူးလ်နည်းပြ ယာဂန်ကလော့ပ်က ဖေမီနိုသည် အသင်းအတွက် အလွန်အရေးပါသည့် ကစားသမားဖြစ်ပြီး ရာသီသစ်တွင် ခြေစွမ်းပြနိုင်လိမ့်မည်ဟုလည်း ပြောကြားခဲ့သည်။
