လီဗာပူးလ်အသင်းသည် ဘရာဇီးလ်တိုက်စစ်မှူး ဖေမီနိုကို သက်တမ်းတိုးစာချုပ်ချုပ်ဆိုရန် ကမ်းလှမ်းထားပြီဖြစ်ကြောင်း Football Insider က ဖော်ပြခဲ့သည်။
ဖေမီနို(၃၀ နှစ်)၏ လက်ရှိစာချုပ်မှာ ၂၀၂၃ တွင် ကုန်ဆုံးမည်ဖြစ်ပြီး နည်းပြ ယာဂန်ကလော့ပ်၏ အနာဂတ်စီမံကိန်းတွင် ပါဝင်နေသောကြောင့် သက်တမ်းတိုးရန် ကမ်းလှမ်းခဲ့ခြင်းဖြစ်ကြောင်း သိရသည်။
လီဗာပူးလ်အသင်းတွင် ဆာလာနှင့် မာနေတို့လည်း ဖေမီနိုနှင့်အတူ စာချုပ်သက်တမ်းကုန်ဆုံးတော့မည်ဖြစ်ပြီး အဆိုပါကစားသမားများကို စာချုပ်သက်တမ်းတိုးရန်လည်း မကြာမီစတင်လုပ်ဆောင်သွားမည်ဖြစ်ကြောင်း သိရသည်။
