လီဗာပူးလ်အသင်း၏ နောက်ခံလူ ရောဘတ်ဆန်က လာမည့်ရာသီတွင် ဖလား(၄)လုံးအတွက် တိုက်ပွဲဝင်သွားမည်ဟု ပြောကြားခဲ့သည်။
လီဗာပူးလ်အသင်းသည် ပြီးခဲ့သည့် ၂၀၂၁-၂၂ ရာသီက နောက်ဆုံးအချိန်အထိ ဖလား (၄) လုံးလမ်းကြောင်းပေါ်တွင် ရှိခဲ့သော်လည်း လိဂ်ဖလားနှင့် FA ဖလားတို့ကိုသာ ရယူနိုင်ခဲ့ပြီး ပရီးမီးယားလိဂ်နှင့် ချန်ပီယံလိဂ်ဖလားတို့ကိုမူ နောက်ဆုံးအချိန်တွင် လက်လွှတ်ခဲ့ရသည်။
သို့သော် လီဗာပူးလ်နောက်ခံလူ ရောဘတ်ဆန်က မိမိတို့အသင်းအနေဖြင့် လာမည့်ရာသီတွင်လည်း ဖလား (၄) လုံးအောင်ပွဲကို နောက်တစ်ကြိမ် မျှော်လင့်နိုင်ဦးမည်ဟု ယုံကြည်ကြောင်း ပြောကြားခဲ့ခြင်းဖြစ်သည်။
ရောဘတ်ဆန်က “ဖလား(၄)လုံးအောင်ပွဲကို နောက်တစ်ကြိမ် မျှော်လင့်နိုင်ဦးမယ်လို့ ကျွန်တော်တို့ ယုံကြည်ပါတယ်။ အဲဒီတုန်းက ရှုံးနိမ့်မှုတွေက ကျွန်တော်တို့ကို ကောင်းကောင်းမောင်းနှင်ပေးနိုင်လိမ့်မယ်လို့လည်း ထင်ပါတယ်။ ဆုဖလားတွေ ကိုင်မြှောက်ချင်တဲ့ ကျွန်တော့်တို့ရဲ့ စိတ်ဆန္ဒကတော့ တူတူပါပဲ”ဟု ပြောကြားခဲ့သည်။
ထို့ပြင် ရောဘတ်ဆန်က ပြိုင်ပွဲအားလုံးတွင် ဆုဖလားမျှော်လင့်နိုင်မည်ဟု ယုံကြည်ကြောင်းလည်း ပြောကြားခဲ့သည်။
