မန်စီးတီးအသင်း၏ တောင်ပံတိုက်စစ်ကစားသမား ဖယ်ရန်တောရက်စ်သည် ခြေဖဝါးဒဏ်ရာကြောင့် (၄)ပတ်မှ (၆)ပတ်အထိ နားရနိုင်ကြောင်း သိရသည်။
ဖယ်ရန်တောရက်စ်သည် စပိန်လက်ရွေးစင်အသင်းနှင့် UEFA Nations League ယှဉ်ပြိုင်ကစားစဉ် အဆိုပါဒဏ်ရာ ရရှိခဲ့ခြင်းဖြစ်သည်။
လက်ရှိအခြေအနေအရ ဖယ်ရန်တောရက်စ်အနေဖြင့် ကလပ်အသင်းတွင်ရော လက်ရွေးစင်အသင်းတွင်ပါ အရေးကြီးပွဲစဉ်များကို လွဲချော်ရတော့မည်ဖြစ်သည်။
ဖယ်ရန်တောရက်စ်သည် မန်ယူ၊ PSG တို့နှင့် ယှဉ်ပြိုင်ရမည့် ပွဲစဉ်များကို လွဲချော်ရမည်ဖြစ်သလို၊ နိုဝင်ဘာလအတွင်း ကစားမည့် စပိန်အသင်း၏ ကမ္ဘာ့ဖလားခြေစစ်ပွဲများကိုလည်း လွဲချော်ဖွယ်ရှိနေသည်။
