ဘာစီလိုနာအသင်းဥက္ကဋ္ဌ လာပေါ်တာက မိမိတို့အသင်းအနေဖြင့် မန်စီးတီးတိုက်စစ်ကစားသမား ဖယ်ရန်တောရက်စ်ကို ခေါ်ယူရန် စိတ်ဝင်စားနေကြောင်း အတည်ပြုပြောကြားသည်။
ဘာစီလိုနာနည်းပြသစ် ဇာဗီသည် လာမည့်ဇန်နဝါရီတွင် ကစားသ မားသစ်များခေါ်ယူရန် စီစဉ်နေပြီး ဖယ်ရန်တောရက်စ်မှာ ဦးစားပေးပစ်မှတ်ဖြစ်ကြောင်း သိရသည်။
လာပေါ်တာက “ဇာဗီက ကစားသမားသစ်တွေ ခေါ်ယူပေးဖို့ ကျွန်တော်တို့ကို တောင်းဆိုထားပါတယ်။ အဲဒီအတွက် အဆင် ပြေအောင် ကျွန်တော်တို့ ကြိုးစားနေပါတယ်။ ကျွန်တော်တို့ ခေါ်ယူဖို့ စောင့်ကြည့်နေတဲ့ ကစားသမားတွေထဲမှာ ဖယ်ရန်တောရက်စ်လည်းပါ ပါတယ်။ ဘာတွေဖြစ်လာမလဲ စောင့်ကြည့်ရမှာပါ”ဟု ပြောကြားသည်။
အသက် (၂၁) နှစ်အရွယ်ရှိ စပိန်တိုက်စစ်ကစားသမား ဖယ်ရန်တောရက်စ်သည် မန်စီးတီးအသင်းနှင့် ၂၀၂၅ ခုနှစ်အထိ စာချုပ်သက်တမ်းရှိနေသူဖြစ်သည်။
မန်စီးတီးအသင်းသည် ဖယ်ရန်တောရက်စ်အတွက် ယူရိုသန်း ၇၀ အလိုရှိနေပြီး ယင်းပမာဏကို ဘာစီလိုနာအသင်းအနေဖြင့် ပေးချေနိုင်ဖွယ်မရှိကြောင်း စပိန်မီဒီယာများက ဖော်ပြနေကြသည်။
