မန်ယူနည်းပြ ရန်းနစ်က အသင်းတောင်ပံကစားသမား ဆန်ချို ရုန်းကန်နေရခြင်းမှာ ပြောင်းရွှေ့့ကြေး မြင့်မားသည့်ဖိအားကြောင့်ဖြစ်သည်ဟု ပြောကြားခဲ့သည်။
အသက် (၂၁)နှစ်အရွယ်ရှိ အင်္ဂလန်လက်ရွေးစင်တောင်ပံကစားသမား ဆန်ချိုသည် ပြီးခဲ့သည့်နွေရာသီအပြောင်းအရွှေ့ကာလကမှ ဒေါ့မွန်အသင်းမှ မန်ယူအသင်းထံသို့ ပြောင်းရွှေ့ကြေး ပေါင် (၇၃)သန်းဖြင့် ရောက်ရှိလာခဲ့သူဖြစ်သည်။
ဆန်ချိုသည် မန်ယူအသင်းတွင် ခြေစွမ်းပြနိုင်ရန် ရုန်းကန်နေရပြီး အသင်းအတွက် ပြိုင်ပွဲစုံ (၂၃)ပွဲတွင် (၂)ဂိုးသာ သွင်းယူပေးထားနိုင်ခဲ့သေးပြီး ဂိုးဖန်တီးမှု ပြုလုပ်နိုင်ခြင်းမရှိပေ။
ရန်းနစ်က ”ဆန်ချိုအနေနဲ့ ကမ္ဘာ့ကြီးကျယ်ခမ်းနားဆုံးအသင်းမှာကစားနေပြီး သူ့ခေါင်းထဲမှာ တချို့အရာတွေ ရှုပ်ထွေးနေမယ်ထင်ပါတယ်။ ဒေါ့မွန်မှာကစားတုန်းက ဆန်ချိုဟာ တက်သစ်စလူငယ်ကစားသမားဖြစ်ပြီး ဘာဖိအားမှ မရှိပါဘူး။ မန်ယူအသင်းက သူ့ကို ပြောင်းရွှေ့ကြေးအများကြီးနဲ့ ခေါ်ယူထားတာကြောင့် သူ့အပေါ် ပရိသတ်တွေရဲ့ မျှော်လင့်ချက်ကလည်း အရမ်းကိုမြင့်မားပါတယ်။ ဒါက ဒေါ့မွန်မှာ ရင်ဆိုင်ခဲ့ရတဲ့အခြေအနေနဲ့ မတူတာကြောင့် ဆန်ချိုအနေနဲ့ ခြေစွမ်းပြဖို့ ရုန်းကန်နေရတာပါ”ဟု ပြောကြားခဲ့သည်။
