မန်ယူနည်းပြ တန်ဟက်ဂ်သည် အသင်းတွင် ပြန်ကစားလိုသည့် နယ်သာလန်တိုက်စစ်မှူး ဒီပိုင်း၏ ကမ်းလှမ်းမှုကို ပယ်ချခဲ့ကြောင်း သိရသည်။
ဘာစီလိုနာအသင်းမှ ထွက်ခွာရန် စီစဉ်နေသည့် ဒီပိုင်း(၂၈ နှစ်)သည် မန်ယူအသင်း၌ နှစ်ရှည်စာချုပ်ဖြင့် ပြန်ကစားလိုကြောင်း ကမ်းလှမ်းခဲ့ခြင်းဖြစ်သည်။
သို့သော် တန်ဟက်ဂ်နှင့် အသင်းဘုတ်အဖွဲ့က ဒီပိုင်း၏အဆိုပါကမ်းလှမ်းမှုကို ပယ်ချခဲ့ခြင်းဖြစ်ကြောင်း သိရသည်။
မန်ယူအသင်းသည် ဘန်လေမှ ဗက်ဟော့စ်ကို အငှားဖြင့်ခေါ်ယူခဲ့ပြီး ရေရှည်အတွက်လည်း လူငယ်ကြယ်ပွင့်သစ်များကိုသာ ခေါ်ယူသွားရန် ရည်ရွယ်ထားကြောင်း သိရသည်။
လက်ရှိအချိန်တွင် ဒီပိုင်းသည် အက်သလက်တီကိုသို့ ပြောင်းရွှေ့ရန်သဘောတူညီမှုရရှိထားပြီး အသင်းသစ်နှင့်အတူ လေ့ကျင့်မှုပင် ပြုလုပ်နေပြီဖြစ်ကြောင်း သိရသည်။
